४ मंसिर २०८१, मंगलवार
२०७७ पुष ७ गते, मंगलवार १०:०९ मा प्रकाशित
काठमाडौँ : नेपाली कांग्रेस केन्द्रीय कार्यसमितिको बैठक आज बस्दैछ । पार्टी कार्यालय सानेपामा दिउँसो १ बजे बस्ने बैठकमा प्रधानमन्त्री केपी ओलीले गरेको प्रतिनिधिसभा विघटनसँगै मुलुकको पछिल्लो विकसित राजनीतिक घटनाक्रमका विषयमा छलफल हुनेछ ।
प्रधानमन्त्री ओलीको सिफारिसमा राष्ट्रपति विद्यादेवी भण्डारीले गत आइतबार प्रतिनिधिसभा विघटन गरेकी थिइन् ।
कांग्रेसले यसलाई प्रधानमन्त्री ओलीको असंवैधाकि कदम भन्दै सोमबार सर्वदलीय बैठक राखेको थियो ।
कांग्रेस सभापति शेरबहादुर देउवाको आमन्त्रणमा बसेको नेकपाको बहुमत पक्ष र जनता समाजवादी पार्टी सम्मिलित बैठकले ओलीको निरंकुश कदमविरुद्ध एकमत भएर प्रतिकारमा उत्रने निर्णय गरेको थियो ।
बैठकले आज बस्ने तीन वटै दलको केन्द्रीय समिति मार्फत संघर्षका कार्यक्रम घोषणा गर्ने सहमति समेत गरेको छ ।
बैठकमा नेपाली कांग्रेसका सभापति शेरबहादुर देउवा, रामचन्द्र पौडेल, विमलेन्द्र निधि, नेकपाका अध्यक्ष पुष्पकमल दाहाल, वरिष्ठ नेता माधवकुमार नेपाल, झलनाथ खनाल, प्रवक्ता नारायणकाजी श्रेष्ठ तथा जनता समाजवादी पार्टीका अध्यक्ष महन्थ ठाकुर र शरतसिंह भण्डारीलगायत नेता सहभागी थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
