वाग्मती प्रदेशसभा बैठक आज : मुख्यमन्त्रीविरुद्ध अविश्वासको प्रस्ताव टेबल हुने कार्यसूची

होमल्याण्ड खबर

२०७७ माघ ९ गते, शुक्रबार ११:४७ मा प्रकाशित

वाग्मती प्रदेशको प्रदेशसभा बैठक आज बस्ने भएको छ ।प्रदेशसभाका सभामुख सानुकुमार श्रेष्ठले दिउँसो १ बजेका लागि बैठक बोलाएका छन् । आजको बैठकमा मुख्यमन्त्री डोरमणि पौडेलविरुद्धको अविश्वासको प्रस्ताव टेबल हुने कार्यसूची रहेको प्रदेश संसद सचिवालयले जनाएको छ । नेकपामा प्रचण्ड–माधव समूहका सांसदहरुले बैठक नबसे धर्ना दिने चेतावनी दिएपछि सभामुख श्रेष्ठले गएराति आज दिउँसो १ बजेका लागि बैठक आह्वान गरेका हुन् ।

यसअघि नेपाली कांग्रेसलगायत दलका सांसदले आज बिहान ११ बजे बैठक संचालन गर्न आग्रह गरेको भए पनि थप छलफल गर्नुपर्ने भन्दै सभामुख श्रेष्ठ पछि हट्दै आएका थिए । प्रधानमन्त्री केपी शर्मा ओली समूहका मुख्यमन्त्री पौडेलविरुद्ध प्रचण्ड–नेपाल समूहका प्रदेश सांसदहरुले गएको पुस १० गते ४५ जना प्रदेशसभा सदस्यको हस्ताक्षरसहित प्रदेशसभामा अविश्वासको प्रस्ताव दर्ता भएको थियो । प्रदेशसभामा १ सय १० जना सदस्य रहेकामा ५६ जनाले बहुमत पुग्छ । प्रदेशसभामा कांग्रेसका २२, विवेकशील साझाका ३ जना, राप्रपाका २ जना, नेपाल मजदुर किसान पार्टीका २ जना र स्वतन्त्र सांसद एक जना छन् ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल