४ मंसिर २०८१, मंगलवार
२०७७ माघ १६ गते, शुक्रबार १०:५८ मा प्रकाशित
निर्वाचन आयोगले नेपाल कम्युनिस्ट पार्टी (नेकपा) का दुबै समूहसँग आज छलफल गर्दैछ ।
आयोगले केपी शर्मा ओली र पुष्पकमल दाहाल प्रचण्डलाई छुट्टाछुट्टै पत्र लेखी निर्वाचनसम्बन्धी छलफलका लागि आज बिहान साढे ११ बजे बहादुर भवनस्थित कार्यालयमा बोलाएको हो ।
आयोगले दुवै समूहका अध्यक्ष र अध्यक्षले तोकेका आधिकारिक व्यक्ति गरी ५–५ जनालाई बोलाएको आयोगका प्रवक्ता राजकुमार श्रेष्ठले जानकारी दिए ।
आगामी निर्वाचन प्रयोजनका लागि दल दर्ता गर्न सूचना प्रकाशन गर्ने समय आउन लागेकाले त्यस विषयमा छलफल गर्न लागेको प्रवक्ता श्रेष्ठले बताए ।
त्यस्तै निर्वाचनसम्बन्धी कानुनमाथि छलफल र निर्वाचनको तयारीका विषयमा पनि छलफल हुने उनको भनाइ छ ।
यसअघि नेकपाको दुईवटै पक्षले आफूलाई आधिकारिक दावी गर्दै आयोगमा निवेदन दिएका थिए । आयोगले भने नेकपाका दुबै समूहले गरेको पदाधिकारी परिवर्तनको निर्णयलाई मान्यता नदिने निर्णय गरेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
