४ मंसिर २०८१, मंगलवार
२०७७ फाल्गुन २ गते, आईतवार १२:४५ मा प्रकाशित
नेपाल विद्युत प्राधिकरणमा कार्यकारी निर्देशकको रुपमा हितेन्द्रदेव शाक्यले पदभार ग्रहण गरेका छन् । कायम मुकायम रहेका हितेन्द्रदेव शाक्यलाई नै सरकारले कार्यकारी निर्देशक नियुक्त गर्ने निर्णय गरेपछि उनले आइतबार एक कार्यक्रमबीच पदभार ग्रहण गरेका हुन् । शाक्यलाई मन्त्रिपरिषद्को माघ २६ गते बसेको बैठकले कार्यकारी निर्देशक नियुक्त गर्ने निर्णय गरेको थियो । उनको कार्यकाल ४ वर्षको हुनेछ । यसअघि करिब ४ वर्ष उनले एनइए इन्जिनियरिङ कम्पनीको प्रबन्ध निर्देशक रहेर जिम्मेवारी सम्हालेका थिए ।
झन्डै ३ दशक अनुभव भएका शाक्यलाई प्राधिकरण तथा ऊर्जा क्षेत्रमा सक्षम व्यक्तिको रुपमा लिइन्छ । यस अघि सरकारले कुलमान घिसिङलाई २०७३ भदौ २९ गते कार्यकारी निर्देशक नियुक्त गर्ने निर्णय गरेको थियो । उनी ४ वर्षे कार्यकाल पूरा गरेर गत भदौ २८ गते बाहिरिएका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
