प्रतिनिधिसभा विघटनविरुद्धको रिटमा आजपनि एमिकस क्युरीको बहस

होमल्याण्ड खबर

२०७७ फाल्गुन ६ गते, बिहीबार ११:१५ मा प्रकाशित

प्रतिनिधिसभा विघटनविरुद्धको रिट निवेदनमाथि आजपनि अदालतका सहयोगी (एमिकस क्युरी) ले बहस गर्दैछन् ।

प्रतिनिधिसभा विघटन विरुद्ध दायर भएका १३ रिट निवेदकका पक्षबाट सोमबार जवाफी बहस सकिएपछि मंगलबारबाट  एमिकस क्युरीको बहस सुरू भएको हो।

पहिलो दिन मंगलवार बद्रीबहादुर कार्कीले राय दिएका थिए। यस्तै हिजो सतिशकृष्ण खरेल र विजयकान्त मैनालीले राय दिएका थिए । आज एमिकस क्युरीका बाँकी अधिवक्ता बहसमा सहभागी हुनेछन् ।

एमिकस क्युरीमा वरिष्ठ अधिवक्ता बद्रीबहादुर कार्की, सतिशकृष्ण खरेल, विजयकान्त मैनाली, पूर्णमान शाक्य र गीता पाठक रहेका छन् । उनीहरुले उक्त विषयमा अदालतलाई न्याय सम्पादनमा सहयोग पुग्ने उद्देश्यका साथ स्वतन्त्र विचार दिनेछन् । एमिकस क्युरीको बहसपछि निर्णय आउने छ ।

गत पुस ५ गते प्रधानमन्त्री केपी ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछि सर्वोच्च अदालतमा परेका १३ वटा रिट  रिट परेका छन्।

माघ ४ गतेदेखि उक्त रिटमा प्रधानन्यायाधीश चोलेन्द्रशम्शेर जबरा, न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना मल्ल र तेजबहादुर केसीको संवैधानिक इजलासमा निरन्तर रुपमा बहस भइरहेको छ ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल