४ मंसिर २०८१, मंगलवार
२०७७ फाल्गुन ११ गते, मंगलवार ११:५८ मा प्रकाशित
आगामी वैशाख १७ र २७ गते हुने चुनावका लागि आवश्यक सामग्री खरिदको प्रक्रिया अघि बढेकाे छ । निर्वाचन आयोगले मध्यावधि चुनावका लागि आवश्यक सामग्री खरिदको प्रक्रिया अघि बढाएको हाे ।
मतदानमा आवश्यक स्वस्तिक छाप, मतपेटिका स्टिकर, नमेटिने मार्कर लगायतका एक दर्जन बढी सामग्रीहरु खरिद प्रक्रिया अघि बढाएको आयोगले बताएकाे छ ।
आयोगका प्रवक्ता राजकुमार श्रेष्ठले सात दिनको समयसीमा तोकेर बोलपत्र आह्वान गरिएको जानकारी दिए ।
आयोगले निर्वाचन सामग्री खरिदको बोलपत्र आह्वानको सूचना प्रतिनिधिसभा सदस्य निर्वाचन २०७८ प्रयोगजको विशेष परिस्थितिमा प्रकाशित गरिएको जनाएको छ ।
प्रधानमन्त्री केपी शर्मा ओलीले निर्वाचन आयोगले देखिने गरी काम नगरेको भन्दै आलोचना गरेको तीन दिनपछि निर्वाचन सामग्री खरिद प्रक्रिया अघि बढाइएको छ ।
सरकारले गत पुस ५ गते प्रतिनिधिसभा विघटन गरी आगामी वैशाख १७ र २७ गते दुई चरणमा प्रतिनिधिसभा निर्वाचन गर्ने निर्णय गरेको छ । यद्यपि यो निर्णयविरुद्ध सर्वोच्च अदालतमा रिट परेकाले के फैसला आउँछ हेर्न बाँकी छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
