मन्त्रिपरिषद् बैठकः विप्लव समूहलाई शान्तिपूर्ण राजनीतिमा फर्काउन छलफल

होमल्याण्ड खबर

२०७७ फाल्गुन ११ गते, मंगलवार १५:२४ मा प्रकाशित

आज बसेको मन्त्रिपरिषद्को बैठकमा प्रतिबन्धित नेपाल कम्युनिस्ट पार्टी ( विप्लव समूह) बारे छलफल भएको छ ।

प्रधानमन्त्रीको सरकारी निवास बालुवाटारमा बसेको बैठकमा २०७५ फागुन २८ गते प्रतिबन्ध घोषणा गरिएको विप्लव समूहलाई शान्तिपूर्ण राजनीतिमा फर्काउनेबारे छलफल भएको संघीय मामिला तथा सामान्य प्रशासनमन्त्री गणेशसिंह ठगुन्नाले जानकारी दिए ।

उनले एक–दुई दिनभित्रै वार्ता आह्वान हुने बताए । यस्तै आजको बैठकमा अन्य नियमित एजेन्डामा छलफल भएको बताए ।

मन्त्रिपरिषद् बैठक अघि आजै प्रधानमन्त्री एवं राष्ट्रिय सुरक्षा परिषद्का अध्यक्ष केपी शर्मा ओलीका अध्यक्षतामा राष्ट्रिय सुरक्षा परिषद्को बैठक बसेको थियो ।

उक्त बैठकमा पनि विप्लवकै गतिविधिबारे छलफल गरेको थियो । मुलुकको समग्र सुरक्षा अवस्था, निर्वाचन सुरक्षालगायत विषयमा केन्द्रित रही छलफल भएको जनाइएको छ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल