४ मंसिर २०८१, मंगलवार
२०७७ फाल्गुन २६ गते, बुधबार ११:१० मा प्रकाशित
नेपाल कम्युनिस्ट पार्टी (एमाले) र माओवादी केन्द्र अलग अलग दल रहेको पत्र निर्वाचन आयोगबाट संघीय संसद सचिवालयमा पुगेको छ ।
निर्वाचन आयोगले पठाएको पत्र बुधबार बिहान आइपुगेको संसद सचिवालयका प्रवक्ता रोजनाथ पाण्डेले जानकारी दिए ।
एमाले र माओवादी केन्द्र दुई अलग अलग पार्टी भएपनि प्रतिनिधि सभाको आज (बुधबार)को बैठकमा दुवै पार्टीका सांसदहरु सत्तापक्षकै लहरमा बस्ने छन् ।
माओवादी केन्द्रले सरकारलाई दिएको समर्थन फिर्ता नलिएका कारण दुवै पार्टीका सांसद एकै लहरमा बस्ने भएका हुन् ।
नेकपा नामको विवादमा सर्वोच्च अदालतले आइतबार फैसला सुनाउँदै एमाले र माओवादी साबिक अनुसार नै अलग अलग दल रहने ठहर गरेको थियो ।
सर्वोच्चको फैसलाअनुसार निर्वाचन आयोगले एमाले र माओवादी अलग अलग दल रहेको निणर्य गरेको हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
