४ मंसिर २०८१, मंगलवार
२०७७ चैत्र २ गते, सोमबार १६:२२ मा प्रकाशित
नेकपा माओवादी केन्द्रको केन्द्रीय कमिटी बैठक स्थगित भएको छ । पार्टी कार्यालय कोटेश्वरमा सोमबार बसेको बैठक अर्को सूचना नभएसम्मका लागि स्थगित भएको केन्द्रीय सदस्य युवराज चौलागाईंले जानकारी दिए ।
सोमबारको बैठकमा टिप्पणी र सुझाब राख्ने काम भएको चौलागाईंले जानकारी दिए । उनका अनुसार सोमबारको बैठकमा २० जना केन्द्रीय सदस्यले धारणा राखेका छन् ।
धारणा राख्ने अधिकांश सदस्यले पार्टीको नाम अहिले परिवर्तन गर्न आवश्यक नभएकोमा जोड दिएका छन् । उनीहरूले संगठन कसरी विस्तार गर्ने, एकता किन टुट्यो भन्ने विषयमा जनतालाई बुझाउने गरी अघि बढ्नुपर्नेमा जोड दिएका छन् ।
मंगलबार संसद् बैठक रहेको र दलहरूबीच राष्ट्रिय राजनीतिका विषयमा छलफल गर्नुपर्ने भन्दै अध्यक्ष पुष्पकमल दाहाल प्रचण्डले बैठक स्थगित गर्न प्रस्ताव गरेका थिए । चौलागाईंले भने, ‘आवश्यक परे स्थायी कमिटीले निर्णय गर्ने गरी केन्द्रीय कमिटी बैठक केही समय स्थगित गरौँ भन्ने अध्यक्षको प्रस्ताव थियो । धारणा राख्न चाहनेको संख्या धेरै भएको र संसद् बैठक तथा दलहरूबीचको छलफलका कारण जारी बैठक स्थगित भएको छ ।’
उनका अनुसार राष्ट्रिय भेलाअघि केन्द्रीय कमिटी बैठक बस्नेछ । राष्ट्रिय भेलाको मिति भने तय भइसकेको छैन ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
