माधव-झलनाथ पक्षकाे भेलामा नजान महासचिव पोखरेलको निर्देशन

होमल्याण्ड खबर

२०७७ चैत्र ४ गते, बुधबार ०७:२४ मा प्रकाशित

नेपाल कम्युनिस्ट पार्टी (एमाले)का महासचिव ईश्वर पोखरेलले माधव कुमार नेपाल र झलनाथ खनाल पक्षले बोलाएको राष्ट्रिय भेलामा आफ्ना नेता/कार्यकर्ताहरूलाई सहभागी नहुन निर्देशन दिएका छन् ।

ओली पक्षका नेतासमेत रहेका महासचिव पोखरेलले मंगलबार विज्ञप्ति जारी गरी राष्ट्रिय भेला बोलाइएकोप्रति ‘गम्भीर ध्यानाकर्षण’ भएको भन्दै नेता/कार्यकर्ताहरूलाई भेलामा सहभागी नहुन निर्देशन दिएकाे हाे ।

नेपाल-खनाल पक्षले चैत ४ र ५ गते राष्ट्रिय भेला बोलाएपछि ओली पक्षले भेलालाई अनधिकृत गुट भेलाको संज्ञा दिएको छ ।

‘अनधिकृत गुटगत भेला नगर्न/नगराउन, भेला आयोजनाको भ्रम नफैलाउन र कसैले बोलाएमा त्यस्तो अनुशासनहीन गुटगत भेलामा सहभागि नहुने नेकपा एमाले सबै कार्यकर्ताहरूलाई विशेष निर्देशन गर्दछ,’ ओली पक्षका नेता पोखरेलद्वारा जारी गरेको विज्ञप्तिमा भनिएको छ, ‘मुलुकको संविधान, पार्टी र संसदीय दलको विधानको व्यवस्था एवम् नियमावली बमोजिम हुने कुरा स्पष्ट गरिन्छ।’

फागुन २३ गते सर्वोच्च अदालतले नेकपा एमाले ब्युँतिने फैसला गरेपछि ओली र खनाल-नेपाल पक्षले छुट्टाछुट्टै रूपमा गतिविधि गर्दै आएका छन्।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल