अब स्पष्टीकरणको प्रक्रिया अगाडि बढ्छ, माफी नमागे कारबाही पनि गरिन्छ : अध्यक्ष ओली

होमल्याण्ड खबर

२०७७ चैत्र ७ गते, शनिबार १३:१५ मा प्रकाशित

प्रधानमन्त्री एवं नेकपा एमालेका अध्यक्ष केपी शर्मा ओलीले पार्टीको हितविरुद्ध समानान्तर गतिविधि तथा भेलाका आयोजक अगुवाहरुलाई स्पष्टीकरणको प्रक्रिया अगाडि बढाइने बताएका छन् ।

बालुवाटारमा आयोजित एमाले संसदीय दलको बैठकलाई सम्बोधन गर्दै ओलीले गल्ती गरेकाहरुले माफी नमागे कारबाहीको प्रक्रिया पनि अगाडि बढाउने स्पष्ट पारेका छन् । ‘सच्चिएर आत्मालोचना गरेर आएमात्र सोच्न सकिन्छ,’ ओलीले भने, ‘अन्यथा कारबाहीको प्रक्रिया अघि बढाइन्छ ।’

माधव नेपाल पक्षले गरेको राष्ट्रिय भेलालाई कम्युनिस्ट आन्दोलनको कलंक भन्दै ओलीले त्यस भेलाका आयोजक अगुवालाई स्पष्टिकरण सोधिने बताएका हुन् ।

‘नेतृत्वलाई खुइल्याउने र सरकारको बदनाम गराउने नियतले भएको उक्त भेला नगर्न मैले र महसचिवले निर्देशन दिँदादिँदै पनि कथित भेला गरिएको छ,’ ओलीले भनेका छन्, ‘कम्युनिस्ट आन्दोलनको कलंकको रुपमा चिनिएको भेलाको आयोजक अगुवालाई कारबाही गरिने छ ।’

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल