नयाँ ठाउँमा सर्दै गृह मन्त्रालय, पुरानो भवन भत्काइने

होमल्याण्ड खबर

२०७७ चैत्र २० गते, शुक्रबार १३:४७ मा प्रकाशित

संघीय सरकारको गृह मन्त्रालय अब अर्को भवनमा सर्ने भएको छ । हाल प्रधानमन्त्री तथा मन्त्रिपरिषदको कार्यालय रहेको भवनमा गृह मन्त्रालय सर्न लागेको हो । १२ वैशाख २०७२ को भुकम्पले सिंहदरबारको केही भाग भत्किएपछि प्रधानमन्त्री तथा मन्त्रिपरिषद्को कार्यालय तत्कालीन स्थानीय विकास (हाल संघीय मामिला तथा सामान्य प्रशासन मन्त्रालय) को भवनमा सरेको थियो ।

सोही भवनबाट हालसम्म प्रधानमन्त्री तथा मन्त्रिपरिषदको कार्यालयका काम-कारबाही हुँदै आएको थियो । गृह मन्त्रालय सर्न लागेको भवनको शुक्रबार गृहमन्त्री रामबहादुर थापा ‘बादल’ले निरीक्षण गरेका छन् । डेढ महिना अघि सिंहदरबारको पूर्वी मोहडाको पुनःनिमाणर् सम्पन्न भएपछि प्रधानमन्त्री कार्यालय पुरानै स्थान सिंहदरबारको पुर्वी भवनमा सरेको छ । अहिले प्रधानमन्त्री कार्यालय रहेको भवनमा भने गृहमन्त्रालय सर्न लागेको हो । हाल गृहमन्त्रालय रहेको भवनमध्ये केही भवनको पुनःनिर्माण गर्ने तथा केही भवन भत्काएर नयाँ भवन बनाउने तयारी छ ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल