५ मंसिर २०८१, बुधबार
२०७८ बैशाख ८ गते, बुधबार १५:१७ मा प्रकाशित
प्रतिनिधिसभाका सभामुख अग्नि सापकोटाविरुद्धको मुद्दामा बुधवार (आज) पनि हेर्न नभ्याइने सूचीमा राखिएको छ । सर्वोच्च अदालतमा विचाराधीन कर्तव्य ज्यान मुद्दाको सुनुवाइका लागि आज पेशी तोकिएकोमा अदालतले सुनुवाइ स्थगित गरेको हो ।
यसअघि प्रधानन्यायाधीश चोलेन्द्रशमशेर जबरा नेतृत्वको संवैधानिक इजलासमा मुद्दा सुनुवाइका लागि पेशी तोकिएको थियो । सापकोटाविरुद्धको मुद्दा यसअघि पनि पटक–पटक पेशीमा परे पनि हेर्न नभ्याइने सूचीमा परेको थियो ।
सशस्त्र द्वन्द्वको बेला काभ्रेका अर्जुन लामाको २०६२ वैशाख १६ गते तत्कालीन माओवादीले अपहरण गरी हत्या गरेको अवस्थामा दुई महिनापछि शव फेला परेको थियो । अर्जुनकी श्रीमती पूर्णिमायाले २०६९ मङ्सिर ७ गते कर्तव्य ज्यान मुद्दा अघि बढाउन माग गर्दै सर्वोच्चमा रिट निवेदन दायर गरेकी थिइन ।
अदालतको आदेशपछि काभ्रे प्रहरीले २०६५ साउन २७ गते सापकोटालगायत अन्य ६ जना माओवादी नेता÷कार्यकर्ताविरुद्ध कर्तव्य ज्यान मुद्दाको उजुरी दायर गरेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
