५ मंसिर २०८१, बुधबार
२०७८ जेष्ठ ९ गते, आईतवार १०:४२ मा प्रकाशित
नेकपा एमाले अध्यक्ष केपी शर्मा ओलीले आफ्ना विरोधी प्रत्येक्षतर्फका सांसद माधवकुमार नेपाल, झलनाथ खनाल, भीम रावल र बाँकी ९ जना समानुपातिक सांसदलाई स्पष्टिकरण पत्र पठाएका छन्।
साथै बागमती प्रदेशको राष्ट्रियसभा सदस्यको निर्वाचनमा पार्टी ह्वीप किन उल्लंघन गरेको हो भन्ने प्रश्न पनि गरिएको छ।
आफूले सोधेको स्पष्टिकरणको जवाफ चित्तबुझ्दो नभएमा उनीहरुलाई पार्टीबाटै निष्काशन गर्ने तयारी ओलीले गरेका छन्।
यता नेपाल पक्षले नयाँ पार्टी खोल्ने तयारी गरेको छ। तर पार्टीबाट आफै निष्कनु भन्दा ओलीले नै निकालेको भन्ने सन्देश प्रवाह होस् भन्ने यो पक्षका नेताहरुले चाहेका छन्।यो पक्षका नेता युवराज ज्ञवालीले भने, ‘अब ओलीसँगै बस्ने सम्भावना छैन। उनीसँग समर्पण गर्ने सम्भावना पनि छैन। अर्को पार्टीमा मिसिने सम्भावना पनि छैन। यसको अर्थ हामीले नयाँ पार्टी बनाउनु नै पर्छ। तर ओलीले निकाले भने त्यसमा सहज हुन्छ।’
नेपाल पक्षका २६ जनाले शुक्रबार विपक्षी नेपाली कांग्रेस सभापति शेरबहादुर देउवालाई प्रधानमन्त्री स्वीकार गरी नयाँ सरकार निर्माणका लागि हस्ताक्षर गरेका थिए।
तर ओलीले ती मध्ये ११ जनालाई मात्रै स्पष्टिकरण सोधेका हुन्।
पार्टी प्रवक्ता प्रदीप ज्ञवालीले केही सांसदहरुले आफ्नो हस्ताक्षरको दुरुपयोग भएको भनेको र केहीले नेता नेपाललाई प्रधानमन्त्री बनाउने भनेकाले हस्ताक्षर गरेको भनेकाले उनीहरुलाई थप सोधपुछ गरेपछि मात्रै स्पष्टिकरण सोध्ने बताएका छन्।
बागमती प्रदेशको राष्ट्रियसभा सदस्यको निर्वाचनमा नेपाल पक्षले ओली निकट बादललाई हराउन विपक्षीको साथ लिएको थियो। वैशाख २७ गते ओलीले विश्वासको मत लिनेक्रममा यो पक्षका २८ जना सांसदहरु संसदमा अनुपस्थित थिए।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
