अर्थमन्त्रालयद्वारा शुक्रबार आर्थिक सर्वेक्षण सार्वजनिक गर्ने

होमल्याण्ड खबर

२०७८ जेष्ठ १३ गते, बिहीबार १२:५३ मा प्रकाशित

लामो विवाद र गलफत्तीपछि सरकारले जेठ १५ गते नै अध्यादेशमार्फत बजेट ल्याउने भएको छ ।

यसका लागि पर्सि शनिबार प्रधानमन्त्री निवास बालुवाटारबाट अर्थमन्त्री विष्णु पौडेलले बजेट सार्वजनिक गर्ने भएका छन् । प्रतिनिधिसभा पुनस्थापना हुने सम्भावना रहेको र आर्थिक वर्ष साउनबाट मात्रै प्रारम्भ हुने भएकाले अध्यादेशबाट बजेट ल्याउन नहुने भन्दै सरोकारवालाहरुले आवाज उठाएका थिए । तर प्रधानमन्त्री केपी ओलीले त्यसको बेवास्ता गर्दै जेठ १५ मा नै बजेट ल्याउने भएका हुन् ।

यसका लागि अर्थमन्त्रालयले भोलि शुक्रबार आर्थिक सर्वेक्षण सार्वजनिक गर्ने भएको मन्त्रालय स्रोतले बताएको छ । भोलि दिउँसो २ बजे जुममार्फत सर्वेक्षण सार्वजनिक गरिने भएको हो । यस प्रयोजनका लागि सीमित पत्रकार र फोटो पत्रकारलाई मन्त्रालय प्रवेश गर्न दिइने पनि मन्त्रालयले जनाएको छ ।

त्यसैगरी आर्थिक वर्ष २०७८/७९ को आयव्ययको विवरण अर्थात बजेट भने शनिबार अपरान्ह् ४ बजे बालुवाटारबाट सार्वजनिक गरिने जानकारी पनि मन्त्रालयले दिएको छ । चुनाव घोषणा भएकाले सरकारले पपुलिष्ट बजेट ल्याउने अनुमान गरिएको छ ।

प्रधानमन्त्री ओलीले यसपटक बृद्ध भत्ता बढाउने घोषणा यसअघि नै गरिसकेका छन् । साथै, यसपाली निजामती कर्मचारीको तलव भत्तासमेत बृद्धि हुने बताइएको छ ।

सम्बन्धित खबर

उद्योगहरूको बिजुली नकाट्ने प्राधिकरण बोर्डको निर्णय

कीर्तिपुरमा जित सुनिश्चित बनाउँदै माओवादी

हिजो सम्भवः नभए पछि रबि लामिछानेलाई आज साँझसम्म काठमाडौं ल्याइने

दुर्गा प्रसाईँलाई सर्वोच्चमा उपस्थित गराइयो

चुडामणिको मुद्दामा विपक्षी झिकाउन सर्वोच्चको आदेश

सर्वोच्चको बोर्डमा कालो रङ छ्यापेकी बिनु यादव प्रहरी नियन्त्रणमा