५ मंसिर २०८१, बुधबार
२०७८ जेष्ठ १४ गते, शुक्रबार १७:२३ मा प्रकाशित
नेपाल विद्यार्थी संघले बाँकेको नेपालगञ्जस्थित भेरी अस्पतालका डाक्टर तथा नर्समाथि एमाले नेताले गरेको आक्रमणको घटना निन्दनीय लज्जास्पद भएको जनाएको छ ।
नेबिसंघ महामन्त्री बलदेव तिमल्सिनाले विज्ञप्ति जारी गर्दै उपचार गराइरहेका आफन्तको मृत्युपछि नेकपा एमाले लुम्बिनी प्रदेश कमिटीका सदस्य मानबहादुर रावतको नेतृत्वको समुहले बिहिबार राती डाक्टर र नर्स माथी कुटपिट र अभद्र ब्यबहार गर्दै अस्पताल समेत तोड्फोड गरेको घटनाका दोषिलाई छानविन गरी आक्रमणमा संलग्न लाई कडा कारवाही गर्न माग गरेका छन् ।
एमाले नेताको आक्रमणबाट डाक्टरहरु दीपक गुप्ता, चन्द्रप्रकाश साहु, समा अनसारी, स्टाफ नर्स आश्विन गुरुङ, सदीक्षा गैरे, बन्दना श्रेष्ठलाई चोटपटक लागेको छ।
महामारीका बेला ठूलो जोखिम लिएर विरामीको उपचारमा दिनरात खटेका स्वास्थ्यकर्मीमाथिको आक्रमण अक्षम्य भएको महामन्त्री तिमल्सिनाले उल्लेख गरेका छन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
