५ मंसिर २०८१, बुधबार
२०७८ जेष्ठ १६ गते, आईतवार १३:३९ मा प्रकाशित
नेकपा एमालेको स्थायी कमिटी बैठक बस्ने भएको छ । पार्टी अध्यक्ष तथा प्रधानमन्त्री केपी शर्मा ओलीले आज साँझ ५ बजे प्रधानमन्त्री निवास बालुवाटारमा बैठक बोलाएको एमाले पार्टी कार्यालय सचिव शेरवहादुर तामाङले बताए ।
बैठकमा पछिल्लो राजनीतिक अवस्थाको समिक्षा र समसामयिक विषयमा छलफल गरिने जनाएको छ । एमालेको अघिल्लो स्थायी कमिटी बैठकले सुरेन्द्र पाण्डे, घनश्याम भुसालसहित १२ सांसदलाई स्पष्टीकरण सोधेको थियो ।
स्पष्टीकरण सोधिएका १२ सांसदले स्पष्टीकरणको जवाफ दिएका छैनन् । आजको बैठकले १२ सांसदलाई कारबाही गर्ने सम्भावना रहेको छ । यसअघि माधव नेपाल, झलनाथ खनाल र भीम रावलसहित ११ जनालाई पार्टीबाट निष्कासन गरिसकेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
