प्रधानमन्त्री ओलीको हत्या गर्ने बैद्यको धम्की घोर भत्र्सना गछौँः एमाले

होमल्याण्ड खबर

२०७८ जेष्ठ २९ गते, शनिबार १०:४७ मा प्रकाशित

नेकपा एमालेले कांग्रेस वाग्मती प्रदेश सभा सांसद नरोत्तम बैद्यले प्रधानमन्त्री केपी शर्मा ओलीको हत्या गर्ने बारे दिएको अभिव्यक्तिको घोर भत्र्सना गरेको छ ।

शुक्रबार वाग्मती प्रदेशसभाको बैठकमा बैद्यले प्रधानमन्त्री ओली सबैकुरा बिगार्न उद्यत रहेकाले आफू गान्धीको हत्यारा नाथुराम गोड्से बन्न तयार रहेको बताएका थिए ।

‘प्रधानमन्त्रीको हत्याका लागि अरुलाई समेत दुरुत्साहन गर्ने र आवश्यक परे आफै पनि हत्याका लागि तयार रहेको निजको अभिव्यक्ति आपराधिक, अत्यन्त आपत्तिजनक र निन्दनीय छ ।’ विज्ञप्तिमा भनिएको छ ‘उक्त अभिव्यक्तिको घोर भत्र्सना गर्दै हाम्रो पार्टी यो विषय मुलुकको फौजदारी कानुन समेत आकर्षित हुने विषय हो भन्ने ठान्दछ र यस विषयमा सम्बद्ध राजनीतिक दलको समेत गम्भीर ध्यानाकर्षण गर्दछ ।’ एमालले विज्ञप्तिमा भनेको छ ।

बैद्यको अभिव्यक्तिपछि उनको चौतर्फी विरोध भएको छ । कांग्रेसका नेताहरूले पनि बैद्यको अभिव्यक्ति भर्त्सनायोग्य रहेको बताएका छन् । एमालेका जनसंगठनहरूले बैद्यलाई तत्काल पक्राउ गर्न माग गरेका छन् ।

सम्बन्धित खबर

अर्थमन्त्री र निजी क्षेत्रका प्रतिनिधिबीच छलफल

नेप्से परिसूचक २३ अङ्कले वृद्धि

केही दिनदेखि काठमाडौं उपत्यकामा वायुप्रदूषण

बालेनलाई कमल थापाको अफर- ‘हिन्दूराष्ट्र स्वीकारे राप्रपाले दुई-तिहाइ पुर्‍याइदिन्छ’

जिप र मोटरसाइकल ठोक्किँदा दुई जनाको मृत्यु

खाडीमा इरानी आक्रमण, तेल १०० डलर नाघ्यो