२ लाख ३५ हजार बढीले बनाए सुरक्षित घर

होमल्याण्ड खबर

२०७५ असार २६ गते, मंगलवार १०:३६ मा प्रकाशित

पुनःनिर्माण प्राधिकरणको समयसीमा छोटिदै जादा २ लाख ३५ हजार ३ सय ९४ भूकम्पपिडितले सुरक्षित घर बनाएका छन् । प्राधिकरणका पूर्वप्रमुख कार्यकारी अधिकृत युवराज भुसालले आफ्नो कार्यकालमा सबैभन्दा बढी घर बनेको जानकरी दिदै सो तथ्याङक सार्वजनिक गरेका हुन् । नौ महिनाको अवधिमा भूकम्पले भत्किएका एक लाख ७२ हजार ७८० घर पुनःनिर्माण भएका छन् भुसालले भने ।
पुनःनिर्माणका क्रममा बनेका घरहरुबारे जानकारी दिदै कात्तिक पहिलो सातासम्म पुनःनिर्माण सम्पन्न घर ६२ हजार ६ सय १४ रहेकामा अहिले २ लाख ३५ हजार ३९४ पुगेको बताए ।

प्राधिकरणका पूर्वप्रमुख कार्यकारी अधिकृत युवराज भुसालले आयोजना गर्नुभएको पत्रकार सम्मेलनमा ३९ हजार ७ सय ८१ लाभग्राही गुनासोबाट थपिएको जानकारी दिनुभयो । कात्तिक पहिलो सातासम्म ४० हजार ९६७ लाभग्राही गुनासो सम्बोधनबाट थपिएका थिए । हालसम्म ८० हजार ७४८ लाभग्राही गुनासो सम्बोधनबाट थप भएका छन् ।

पाँच लाख चार हजार ६२ तयार हुँदै

प्रमुख कार्यकारी अधिकृत नियुक्त भएर आउनुअघिसम्म एक लाख ४७ हजार ६३५ घर पुनःनिर्माण शुरु भएकामा हाल पाँच लाख चार हजार ६२ पुगेको जानकारी दिदै पौने नौ महिनाको अवधिमा तीन लाख ५६ हजार ४२७ घर पुनःनिर्माण शुरु भएको बताए । प्राधिकारणका अनुसार, नौ महिनाको अवधिमा एक लाख ८१ हजार ९९८ ले तेस्रो किस्ता पाएका छन् । कात्तिक पहिलो सातासम्म १२ हजार ७२६ ले मात्र तेस्रो किस्ता पाएको प्राधिकरणले जनाएको छ । हाल यो संख्या एक लाख ९४ हजार ७२४ पुगेको छ । नौ महिनाको अवधिमा एक हजार ३२९ शैक्षिक संस्था, ७२ सुरक्षा निकायका भवन, ३९१ स्वास्थ्य संस्था, १२२ सरकारी भवन, ५५ पुरातात्विक सम्पदा पुनःनिर्माण सम्पन्न भएको छ । भूकम्पले क्षति भई प्रबलीकरण सूचीमा यो अवधिमा २७ हजार ६३ घर प्रमाणित भई सूचीकृत भएका छन् ।

जोखिममा रहेका १८ हजार ५०५ परिवार पनि नौ महिनाको अवधिमा पहिचान गरिएको छ । यस अवधिमा अनुदान रकम अग्रिम निकासा पठाई अभाव हुन नदिएको, पुनः सर्वेक्षणबाट प्राप्त एक लाख गुनासोको सम्बोधन गरी भूकम्पपीडित सरकारी अनुदान पाउनबाट नछुटुन् भन्ने प्रत्याभूति गराइएको पनि भुसालले बताउनुभयो । मन्त्रिपरिषद्को असार २० गतेको निर्णयअनुसार आफू पदमुक्त भएकामा दुःख नलागेको बताउदै आफुलाई सहयोग गर्ने सम्पूर्ण कर्मचारीहरुप्रति सन्तुष्ट रहेको बताए । भुसाललाई नेपाली काँग्रेसका सभापति शेरबहादुर देउवा नेतृत्वको सरकारले गत कात्तिक ६ गते प्राधिकरणको प्रमुख कार्यकारी अधिकृतमा नियुक्त गरेको थियो । भुसाल पूर्वसचिव हुनुहुन्थ्यो ।

सम्बन्धित खबर

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो

राष्ट्रपति पौडेलले कोप–२९ शिखर सम्मेलनलाई आज सम्बोधन गर्दै

ओली सरकार आफ्नै कारणले ढल्छ : माओवादी

रवि लामिछानेलाई रुपन्देही ल्याउने तयारी