फैसला सुनाउनअघि सर्वोच्च अदालतमा व्यापक सुरक्षाकर्मी परिचालन

होमल्याण्ड खबर

२०७८ असार २८ गते, सोमबार १२:४९ मा प्रकाशित

प्रतिनिधिसभा विघटनसम्बन्धी मुद्दामा सर्वोच्च अदालतले आज फैसला  सुनाउने तयारी गरेको छ ।

सर्वोच्चले फैसला सुनाउने तयारी गरेसँगै काठमाडौंमा चारवटै सुरक्षा निकायलाई परिचालन गरिएको छ ।

सर्वोच्च अदालतको संवैधानिक इजलासमा विघटन विरुद्धको रिटमा असार २१ गते दुबै पक्षको बहस सकिएपछि आजका लागि पेसी तोकिएको थियो ।

असार ९ गतेदेखि नियमित रुपमा भएको सुनुवाइमा २१ गतेसम्म रिट निवेदकको बहस, सरकारी वकिलको बहस, रिट निवेदकको जवाफी बहस र एमिकस क्युरीका सदस्यहरुले राय दिएका थिए ।

प्रधानमन्त्री केपी ओलीको सिफारिसमा राष्ट्रपति विद्यादेवी भण्डारीले जेट ८ गते प्रतिनिधिसभा विघटन गरेपछि त्यसविरुद्ध विपक्षी गठबन्धनका नेता शेर बहादुर देउवासहित १ सय ४६ जना सांसदले संसद पुनः स्थापना गरेर देउवालाई प्रधानमन्त्री घोषण गर्न माग गर्दै मुद्दा दायर भएको थियो ।

संवैधानिक इजलासमा प्रधान न्यायाधीश चोलेन्द्र शम्शेर जबराको नेतृत्वमा न्यायाधीशहरु न्यायाधीश दीपककुमार कार्की, मीरा खड्का, ईश्वरप्रसाद खतिवडा र आनन्दमोहन भट्टराई रेका छन् ।

सम्बन्धित खबर

अर्थमन्त्री र निजी क्षेत्रका प्रतिनिधिबीच छलफल

बालेनलाई कमल थापाको अफर- ‘हिन्दूराष्ट्र स्वीकारे राप्रपाले दुई-तिहाइ पुर्‍याइदिन्छ’

‘धन्यवाद पत्र’ लिएर बिदा भए निर्वाचन प्रहरी

शान्तिसैनिकको सुरक्षामा नेपालको जोड

समानुपातिकतर्फ ५१ दलले कटाएनन् ‘थ्रेस होल्ड’

सुनको मुल्य तोलाको दुई हजारले बढ्यो