एमालेले आज २२ जना सांसदलाई स्पष्टीकरणपत्र पठाउँदै

होमल्याण्ड खबर

२०७८ श्रावण ५ गते, मंगलवार १४:२० मा प्रकाशित

नेकपा एमालेले वरिष्ठ नेता माधवकुमार नेपालसहित २२ जना सांसदलाई आज स्पष्टीकरणपत्र पठाइँदै छ ।

पार्टीको निर्णय विपरीत प्रधानमन्त्री शेरबहादुर देउवालाई विश्वासको मत दिने २२ सासंदलाई स्पष्टिकरणपत्र पठाउने तयारी भइरहेको केन्द्रीय कार्यालयका सचिव शेरबहादुर तामाङले जानकारी दिए । हिजो बसेको केन्द्रीय कमिटी बैठकले २२ सांसदलाई २४ घण्टे स्पष्टीकरण सोध्ने निर्णय गरेको थियो ।

प्रतिनिधिसभामा देउवाले आइताबार विश्वासको मत माग्दा  एमालेका ओली र नेपाल समूहका गरी २२ सांसदले पक्षमा मतदान गरेका थिए । खनाल–नेपाल समूहका १० सांसद भने मतदानमा तटस्थ बसेका थिए ।

तत्कालीन प्रधानमन्त्री केपी शर्मा ओलीले वैशाख २७ गते विश्वासको मत लिदा खनाल–नेपाल समूहका २८ सांसद दिन अनुपस्थित भएका थिए । सोही कारण अहिलेको अवस्था आएको भन्दै उनीहरुलाई स्पष्टीकरण सोधिने तामाङले बताए ।

सम्बन्धित खबर

अर्थमन्त्री र निजी क्षेत्रका प्रतिनिधिबीच छलफल

नेप्से परिसूचक २३ अङ्कले वृद्धि

केही दिनदेखि काठमाडौं उपत्यकामा वायुप्रदूषण

बालेनलाई कमल थापाको अफर- ‘हिन्दूराष्ट्र स्वीकारे राप्रपाले दुई-तिहाइ पुर्‍याइदिन्छ’

जिप र मोटरसाइकल ठोक्किँदा दुई जनाको मृत्यु

खाडीमा इरानी आक्रमण, तेल १०० डलर नाघ्यो