एमाले स्थायी कमिटी बैठक बस्दै

होमल्याण्ड खबर

२०७८ श्रावण १६ गते, शनिबार ०८:५१ मा प्रकाशित

नेकपा एमालेको स्थायी कमिटी बैठक आज बस्दैछ । ललितपुरको च्यासलस्थित तुलसीलाल स्मृति भवनमा दिउँसो ३ बजे बस्ने बैठकमा समसामयिक राजनीतिका साथै तीनवटा एजेन्डामाथि छलफल हुने केन्द्रीय कार्यालयका सचिव शेरबहादुर तामाङले जानकारी दिए ।

आजको बैठकमा वरिष्ठ नेता माधवकुमार नेपाल समूहमा रहेका सदस्यहरुलाई पनि बोलाइएको छ । तर नेपाल समूह सो बैठकमा नजाने भएको छ । यसअघिका बैठकमा पनि नेपाल समूह अनुपस्थित रहँदै आएको थियो ।

एमालेले यही साउन २५ गते विधान महाधिवेशनको तयारी गरेको छ ।

एमालेमा माधव नेपाल पक्षसँगको एकताको विषयलाई छिटो टुंग्याएर महाधिवेशनमा केन्द्रित हुन दबाब बढ्दै गएको छ ।

सहमतिका नाममा नेपाल पक्षलाई अब लामो समयसम्म कुर्न नसकिने एकालेको रणनीति रहेको छ । अध्यक्ष केपी ओलीले अब नेपालसमूहलाई कुर्न नसकिने भन्दै पार्टीमा आउनेलाई सम्मानका साथ समेट्ने र नआउनेलाई छाडेर १० बुँदे सहमतिअनुसार अगाडि बढ्ने बताइसकेका छन् ।

सम्बन्धित खबर

अर्थमन्त्री र निजी क्षेत्रका प्रतिनिधिबीच छलफल

बालेनलाई कमल थापाको अफर- ‘हिन्दूराष्ट्र स्वीकारे राप्रपाले दुई-तिहाइ पुर्‍याइदिन्छ’

‘धन्यवाद पत्र’ लिएर बिदा भए निर्वाचन प्रहरी

शान्तिसैनिकको सुरक्षामा नेपालको जोड

समानुपातिकतर्फ ५१ दलले कटाएनन् ‘थ्रेस होल्ड’

सुनको मुल्य तोलाको दुई हजारले बढ्यो