२९ फाल्गुन २०८२, शुक्रबार
२०७८ श्रावण १८ गते, सोमबार ०८:३१ मा प्रकाशित
नेकपा एमालेको स्थायी कमिटी बैठक आज पनि बस्दै छ । दिउँसो ३ बजे ललितपुरको च्यासलस्थित तुल्सीलाल स्मृति प्रतिष्ठानको भवनमा बस्ने बैठकमा पार्टीभित्रको विवाद, समसामयिक राजनीतिक घटनाक्रमलगायत विषयमा छलफल हुने बताइएको छ ।
यसअघि हिजोको बैठकले सबै स्थानीय तहको अधिवेशन आगामी असोज ९ गतेभित्र गरिसक्ने निर्णय गरेको थियो । बैठकले साउन २३ गतेभित्र पार्टी सदस्यता नवीकरण र अद्यावधिक गर्न जिल्ला कमिटीहरुलाई निर्देशन पनि दिएको छ । यस्तै बैठकले २७ साउनभित्र संगठित सदस्यता नवीकरण गरिसक्ने निर्णय पनि गरेको छ ।
भदौ २७ र २८ गतेका लागि तय गरिएको विधान अधिवेशन सम्पन्न गर्नका लागि सदस्यता नवीकरणलाई तोकिएकै समयमा सक्न बैठकले सुझाव दिएको छ । बैठकले असोज ३ गते वडा तहको अधिवेशन गर्ने खाका समेत तयार पारेको छ ।
एमालेले स्थानीय तहको अधिवेशन गर्ने निर्णय अनुमोदनका लागि यही साउन २४ गते केन्द्रीय कमिटी बैठक पनि आह्वान गरेको छ ।
पार्टीभित्र चरम विवाद भएपछि अहिलेसम्मका बैठकमा माधव नेपाल समूह भने उपस्थित भएको छैन । तर बेला बेलाका बैठकमा उपाध्यक्ष वामदेव गौतम भने उपस्थित हुने गरेका छन् ।
अध्यक्ष केपी ओली पक्षले एमाले विवाद समाधान कार्यदलले तयार गरेको १० बुँदे प्रस्तावका आधारमा पार्टी एकता गरेर अगाडि बढ्नु पर्नेमा जोड दिँदै आएको छ भने वरिष्ठ नेता नेपालले अस्विकार गर्दै आएका छन् ।
माधव नेपाल सम्मानजनक एकताको वातावरण नभएसम्म एकता सम्भव नरहेको बताउँदै आएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
