असाधारण जनमतका साथ फेरि पनि मूलढोकाबाट सत्तामा पुग्छु : केपी ओली

होमल्याण्ड खबर

२०७८ श्रावण २६ गते, मंगलवार १५:०२ मा प्रकाशित

एमाले अध्यक्ष केपी शर्मा ओलीले गठबन्धन सरकारलाई एक महिनासम्म केही नगरेकोमा बधाई दिएका छन्। प्रतिनिधिसभामा सम्बोधन गर्ने क्रममा उनले एक महिनाको समय सरकारले खेर फालेको र अब १५ महिनाको समय बधाई तथा शुभकामना खाएर र विपक्षीलाई गाली गरेर बित्ने बताए।

ओलीले आफू फेरि पनि सरकारको नेतृत्वमा पुग्ने दाबी गरे। उनले आफू प्रधानमन्त्री बन्न जन्मेको नभई काम गर्दै जाँदा प्रधानमन्त्री भएको बताए। ‘म यो देश र देशका जनताको सेवाका लागि जन्मिएको हो।

उनले सम्वृद्ध नेपाल सुखी नेपालीको भावनाअनुसार गठबन्धन गरेको र पवित्र उद्देश्यका साथ पार्टी एकता गरेको बताए। प्रतिपक्षीसँग सम्मानजनक व्यवाहार गरेको उनले बताए।

‘सरकारको गन्तव्य प्रष्ट थियो। राज्य सञ्चालन गर्दा अपनाउनु पर्ने सजगता अपनाइएको थियो। स्वच्छ र पारदर्शी रुपमा नियुक्त गरेँ। नातावाद क्रिपावादको छाया समेत पर्न दिएन’, ओलीले जिकिर गरे।

ओलीले असंवैधानिक, अलोकतान्त्रिक, अपवित्र गठबन्धन बनाएर आफूलाई हटाइएको बताए। ‘अदालतलाई धेरै विवादमा ल्याउन आवश्यक छैन। त्यसका शब्दशब्दको मूल्यांकन इतिहासले गर्नेछ’, ओलीले भने।

सम्बन्धित खबर

ओलीका पिताको पशुपति आर्यघाटमा दाहसँस्कार गरिँदै, अस्पतालबाट निकालियो शव

इनिशा विक हत्या प्रकरण : दोषीलाई कारबाही नभए देशव्यापी आन्दोलन गर्ने तरुण दलको चेतावनी

अर्थमन्त्री र निजी क्षेत्रका प्रतिनिधिबीच छलफल

बालेनलाई कमल थापाको अफर- ‘हिन्दूराष्ट्र स्वीकारे राप्रपाले दुई-तिहाइ पुर्‍याइदिन्छ’

‘धन्यवाद पत्र’ लिएर बिदा भए निर्वाचन प्रहरी

शान्तिसैनिकको सुरक्षामा नेपालको जोड