२९ फाल्गुन २०८२, शुक्रबार
२०७८ श्रावण ३१ गते, आईतवार १३:४४ मा प्रकाशित
नेपाली कांग्रेसले विधानमा भएको क्रियाशीलले चयन गर्ने व्यवस्थालाई संशोधन गरेको छ । संशोधित विधान अनुसार क्रियाशील सदस्यले गाउँपालिका, नगरपालिका, उपमहानगरपालिका र महानगरपालिकाको कार्यसमितिको निर्वाचनमा मतदान गर्न नपाउने भएका छन् । ।अब वडा सभापति र क्षेत्रीय प्रतिनिधिहरू मात्रै गाउँ तथा नगर अधिवेशनका मतदाता हुने व्यवस्था कांग्रेसले गरेको छ।
पार्टीको १४ औं महाधिवेशनका लागि गाउँ(नगर, उपमहानगर र महानगर कार्यसमिति सभापतिको उम्मेदवार क्षेत्रीय प्रतिनिधिबाट हुन पाउने समेतको व्यवस्था गत शनिबार बसेको केन्द्रीय कार्यसमिति बैठकले गरेको हो ।
अपांगता भएका व्यक्तिहरूको प्रतिनिधित्वको सन्दर्भमा विधान र नियमावलीमा भएको पालिकाका क्रियाशील सदस्यहरूले निर्वाचित गर्ने व्यवस्थालाई पनि संशोधन कांग्रेसले संशोधन गरेको छ ।
विधानको धारा ८ (१) (क) र धारा ९ (१) (ख) मा उल्लेख अनुसार गाउँपालिका क्षेत्र भित्रका सम्पूर्ण कांग्रेसका क्रियाशील सदस्य गाउँपालिका अधिवेशनका र नगर, उपमहानगर, महानगरपालिका क्षेत्र भित्रका कांग्रेसका क्रियाशील सदस्य नगरपालिका अधिवेशनका सदस्य’ भनिएकोमा गाउँपालिका क्षेत्र भित्रका वडा सभापति र क्षेत्रीय प्रतिनिधि तथा नगरपालिका क्षेत्र भित्रका वडा सभापति र क्षेत्रीय प्रतिनिधि भनी संशोधन गर्ने’ निर्णय केन्द्रीय समितिबाट भएको छ।
विधान संशोधनलाई आगामी महाधिवेशनबाट अनुमोदन गर्ने पार्टीको तयारी रहेको कांग्रेस नेता गुरुराज घिमिरेले जानकारी दिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
