२९ फाल्गुन २०८२, शुक्रबार
२०७८ भाद्र ७ गते, सोमबार १५:२० मा प्रकाशित
नेकपा एमालेले भोलि स्थायी कमिटीको बैठक बोलाएको छ । माधव नेपालको साथ छाडेका मध्यमार्गी धारका नेताहरूसँगको छलफलपछि भोलि स्थायी कमिटीको बैठक डाकिएको हो ।
एमालेले १० बुँदे सहमति कार्यान्वयनको प्रक्रिया अघि बढाउन स्थायी कमिटी बैठक बोलाएको छ । प्रवक्ता प्रदीप ज्ञवालीका अनुसार बैठकमा माधवकुमार नेपाल समूहसँग रहेका तर उनको पार्टीमा नगएका नेताहरु पनि सहभागी हुने छन । भोलिको बैठकबाट दल दर्ता रोक्दै एकताका लागि आह्वान समेत गर्ने सम्भावना छ ।
आफूहरूसहितको सहमतिमा स्थायी कमिटी र केन्द्रीय कमिटी बैठक बस्नुपर्ने र १० बुँदे सहमति कार्यान्वयन हुनुपर्ने अडानमा रहेका नेताहरूले अध्यक्ष ओली र महासचिव ईश्वर पोखरेलबाट ग्यारेन्टी मागेका थिए । नेतृत्वले कार्यान्वयनको प्रतिबद्धता जनाएपछि उनीहरू मंगलबारको बैठकमा सहभागी हुन तयार भएका हुन ।
नेपाल समूहसँग रहेका, तर नेकपा एकीकृत समाजवादीमा नगएका भीम रावल, घनश्याम भुसाल, गोकर्ण विष्टलगायतका नेताहरुले १० बुँदे सहमति अक्षरस कार्यान्वयन गर्न नेतृत्वलाई आजसम्मको अल्टिमेटम दिएका थिए । उनीहरु विहान पार्टी अध्यक्ष केपी शर्मा ओलीलाई भेट्न उनको निवास बालकोट पुगेका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
