२९ फाल्गुन २०८२, शुक्रबार
२०७८ भाद्र ९ गते, बुधबार २१:११ मा प्रकाशित
संसदको सबैभन्दा ठूलो दल नेकपा एमाले औपचारिक रूपमै विभाजन भएको छ ।
माधवकुमार नेपालको नेतृत्वमा एमालेका ५५ सांसदले नेकपा एकीकृत समाजवादी नामको पार्टी दर्ता गरेका हुन ।
नेकपा एकीकृत समाजवादी पार्टीलाई आज निर्वाचन आयोगले नयाँ दलको रूपमा आधिकारिकता दिने निर्णय गरेको हो । आयोगको निर्णयसँगै नयाँ पार्टीले प्रमाणपत्र पनि पाएको छ ।
एमालेबाट अलग भएर माधवकुमार नेपाल समूहाले भदौ २ गते दल दर्ताको निवेदन दिएको थियो । आज भएको सनाखतपछि आयोगले माधव नेपालको पार्टीलाई आधिकारिकता दिने निर्णय गरेको हो ।
आयोगले माधव नेपाललाई आधिकारिकता दिएसँगै नेकपा एमाले कानूनीरूपमा पनि फुटेको छ ।
नयाँ दलले मान्यता पाएसँगै माधवकुमार नेपालको पार्टीले संसद्मा पनि संसदीय दल गठनको अवसर पाउने छ ।
नेकपा एकीकृत समाजवादीको पक्षमा साविकको एमाले केन्द्रीय कमिटीका ५५ सदस्य र संघीय संसदका ३० सांसदले हस्ताक्षर सनाखत गराएका छन ।
३० बाहेक अन्य चार सांसदले पनि माधव नेपालको पक्षमा लाग्ने जनाउ दिएका छन । तर दल दर्ताको निवेदनमा उनीहरूको हस्ताक्षर नभएका कारण आयोगले आज सनाखत गर्न अस्वीकार गरेको हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
