३० फाल्गुन २०८२, शनिबार
२०७८ कार्तिक २३ गते, मंगलवार १३:०१ मा प्रकाशित
सर्वोच्च अदालतका न्यायाधीशहरूले प्रधानन्यायाधीश चोलेन्द्र शमशेर जबराले तोकेका इजलास बहिष्कार गरेका छन। जबराले आजका लागि १० इजलास तोकेका थिए । त्यसमध्ये न्यायाधीश तेजबहादुर केसी र मनोजकुमार शर्माको संयुक्त इजलासमा रहेको बन्दी प्रत्यक्षीकरणको मुद्दामा मात्र सुनुवाइ भएको छ। बाँकी इजलास न्यायाधीशहरूले बहिष्कार गरेका छन ।
प्रधानन्यायाधीश जबराको राजीनामा माग गर्दै न्यायाधीशहरू आन्दोलनमा उत्रिएका छन। जबराले सहमति उल्लंघन गरेको, आफूहरूलाई पेल्न खोजेको र आफ्ना मागलाई बेवास्ता गरेको भन्दै न्यायाधीशहरू थप रुष्ट बनेका छन ।
सोमबार न्यायाधीशहरूले बन्दीका मुद्दा हेर्ने, प्रधानन्यायाधीशसँग बेञ्च सेयरिङ नगर्ने र अन्य मुद्दा पनि नहेर्ने निर्णय गरेका थिए । तर, सर्वोच्च अदालतका न्यायाधीशहरू र नेपाल बार प्रधानन्यायाधीशविरुद्ध आन्दोलनमा उत्रिरहेका बेला जबराले मंगलबारका लागि १० इजलास तोकि दिएका थिए ।
जबराले न्यायाधीशहरूको संयुक्त इजलास तोक्दा आफ्नो एकल इजलास समेत तोकेका थिए।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
