प्रदेश १ का मुख्यमन्त्रीद्वारा विश्वासको मतसम्बन्धी प्रस्ताव प्रदेशसभामा दर्ता

होमल्याण्ड खबर

२०७८ कार्तिक २८ गते, आईतवार १६:५८ मा प्रकाशित

प्रदेश–१ का मुख्यमन्त्री राजेन्द्र राईले विश्वासको मतसम्बन्धी प्रस्ताव प्रदेशसभा सचिवालयमा दर्ता गरेका छन् । मुख्यमन्त्री राईले मंगलबार दिउँसो १२ः ३० मा बस्ने प्रदेशसभा बैठकबाट विश्वासको मत लिने तयारी गरेका छन् ।

विश्वासको मत लिनुभन्दा दुई दिनअघि नै विश्वासको मतसम्बन्धी प्रस्ताव प्रदेशसभा सचिवालयमा दर्ता गर्नुपर्ने प्रावधान भएका कारण उनले आज (आइताबार) नै सचिवालयमा दर्ता गरेको उनका स्वकीय सचिव सन्दीप राईले जानकारी दिए ।

कात्तिक १५ गते बसेको प्रदेशसभा बैठकलाई सम्बोधन गर्दै तत्कालीन मुख्यमन्त्री भीमप्रसाद आचार्यले पदबाट राजीनामा दिएका थिए । त्यसपछि कात्तिक १६ गते पाँच दलीय गठबन्धनको तर्फबाट नेकपा एकीकृत समाजवादीका नेता राई मुख्यमन्त्री नियुक्त भएका थिए ।

मुख्यमन्त्री राईले प्रदेशसभाबाट विश्वासको मत लिएलगत्तै मन्त्रिपरिषद विस्तार गर्ने तयारी गरेका छन् ।

सम्बन्धित खबर

पोखरामा सम्पन्न नेपाल–भारत बैठकले विद्युत खरिद दर बढायो

अनधिकृत रुपमा भूमि दिलाइदिने भ्रमका पछि नलाग्न आयोगको आग्रह

समानुपातिक सांसदको नाम आइतबार निर्वाचन आयोगमा पठाउने एमालेको तयारी

स्थानीयको अवरोधले काठमाडौं उपत्यकाको फोहोर विसर्जन रोकियो

सुनको भाउ तोलामा २ हजार ८ सय रुपैयाँ घट्यो

ओलीका पिताको पशुपति आर्यघाटमा दाहसँस्कार गरिँदै, अस्पतालबाट निकालियो शव