९ मंसिर २०८१, आईतवार
२०७५ भाद्र ३१ गते, आईतवार १३:५३ मा प्रकाशित
एकदिवसीय क्रिकेट सिरिजको अन्तिम खेलमा नेपालले अफगानिस्तानलाई जितका लागि १९० रनको लक्ष्य दिएको छ ।
लखनउमा अफगानिस्तानले टस जितेर फिल्डिङ रोजेपछि ब्याटिङ गरेको नेपालले ४९ ओभर ३ बलमा अलआउट हुँदै १८९ रन बनाउन सक्यो । नेपालको लागि पवन शार्रफले अर्धशतकीय इनिङस खेले । उनले ९६ बलमा १० चौका र १ छक्कासहित अविजित ७८ रन जोडे ।
यस्तै सन्दीप जोराले २८ रन जोड्दा रसिद खानले २४ तथा लोकेश बमले १६ रन बनाए । अफगानिस्तानका लागि नविद मोहमद कविरले सर्बाधिक ३ विकेट लिए ।
अघिल्ला दुई खेलमा लगातार हार बेहोरेको नेपाल र अफगानिस्तान पहिलो जितको खोजीमा रहेका छन् ।
सिरिजको फाइनलमा पुग्न असफल दुवैको लागि यो खेल प्रतिष्ठाको लडाईको रुपमा रहने छ । यस खेलमा विजयी हुने टोलीले एक जितसहित घर फर्कने छन् ।
सिरिजको पहिलो खेलमा नेपाल भारतको ‘बि’ टोलीसंग पराजित भएको थियो । यस्तो शुक्रबार भएको दोस्रो खेलमा नेपाल भारतको ‘ए’ टोलीसंग ८ विकेटले पराजित भएको थियो ।
यता, अफगानिस्तान पहिलो खेलमा भारतको ‘ए’ टिम र दोस्रो खेलमा भारतको ‘बि’ टिमसंग पराजित भएको थियो ।
बंगलादेशमा आयोजना हुने एसिया कप क्रिकेटको तयारीको रुपमा भारतीय क्रिकेट बोर्डले आयोजना गरेको सिरिजमा भारतको दुई गरी नेपाल र अफगानिस्तानका टोलीले प्रतिस्पर्धा गरिरहेका छन् ।
सिरिजको फाइनलमा भारतको ‘ए’ र ‘बि’ टोलीले खेल्नेछन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
