११ मंसिर २०८१, मंगलवार
२०७५ मंसिर ४ गते, मंगलवार ११:३८ मा प्रकाशित
राष्ट्रिय ध्वजावाहक नेपाल वायुसेवा निगमले दुबईबाट काठमाडौं आउँदा ‘इकानोमी क्लास’ का यात्रुका लागि नयाँ ब्यागेज नियम कार्यान्वयनमा सुरु गरेको छ ।
निगमका अनुसार युनाइटेड अरब इमिरेट्स (युएई) को दुबईबाट आउँदा कुनै पनि एउटा ब्यागेजको तौल अधिकतम ३० किलोसम्मको हुनुपर्ने छ । विधुतीय उपकरणसहितको चेक–इन ब्यागेज भने दुईथानसम्म ल्याउन अनुमति दिइएको छ । चेक–इन ब्यागेजको आकार (लम्बाइ, चौडाइ र उचाइ) १ सय ६० सेन्टिमिटरभन्दा बढी हुनु हुँदैन ।
“तोकिएको आकारभन्दा बढी वा तौल धेरै वा सामान्य ढाँचाभन्दा बाहिरका ब्यागेज ल्याउनुपरे प्रतिथान २ सय युएई दिनार शुल्क तिर्नुपर्छ,” निगमका प्रवक्ता अशोक सिग्देलले भने, “ह्यान्ड ब्यागेजतर्फ भने भन्सार शुल्क मिनाहा गरिएका सामानसहित अधिकतम सात किलो तौलको झोला ल्याउन पाइन्छ ।”
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
