१ मंसिर २०८१, शनिबार
२०८१ जेष्ठ २२ गते, मंगलवार १५:०१ मा प्रकाशित
राष्ट्रिय स्वतन्त्र पार्टीका सांसद स्वर्णिम वाग्लेले सधैँ बजेटलाई बढाएर ल्याउने, मध्यावधि समीक्षाबाट सुकाउने गर्दा बजेटको विश्वसनीयतामा प्रश्नहरू उठाएको बताएका छन् ।
मङ्गलवार प्रतिनिधिसभाको बैठकमा बोल्दै रास्वपा सांसद स्वर्णिम वाग्लेले बजेटलाई बढाएर ल्याउने, मध्यावधि समीक्षाबाट सुकाउने गर्दा बजेटको विश्वसनीयतामा प्रश्नहरू उठाएको टिप्पणी गरेका हुन् ।
वाग्लेले भने, ‘गर्त वर्षको बजेटलाई झार्नुभएको छ । १७ खर्ब ५१ अर्बको बजेट करिब १३ खर्ब ५१ अर्बमा सीमित होला जस्तो देखिन्छ । गत वर्षको तुलनामा अहिलेका अर्थमन्त्रीले १८ खर्ब ६० अर्बको बजेट ल्याएका छन् । निरपेक्ष रूपमा बजेट बढेको जस्तो देखिए तापनि हामीले सापेक्ष रूपमा विशेषण गर्नुपर्ने हुन्छ ।
जिडिपीको अनुपातमा यस पालिको बजेट घटेर आएको छ । हाम्रो अर्थतन्त्रको आकारलाई हेर्दा धेरै पछि ३० प्रतिशतभन्दा कम आकारको बजेट आएको छ । भूकम्पपछि हामी फरक तरीकाले गएका छौँ । बजेटलाई बढाएर ल्याउने, मध्यावधि समीक्षामा बजेटलाई सुकाउने । यसले बजेटको समग्र विश्वसनीयतामा उठाइरहेको छ ।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
