१ मंसिर २०८१, शनिबार
२०८१ असार ८ गते, शुक्रबार १४:४१ मा प्रकाशित
लुम्बिनी प्रदेश खेलकुद परिषद्को सदस्य सचिवमा दाङका तिरण गौतम नियुक्त भएका छन् ।
बिहीबार बसेको प्रदेश मन्त्रिपरिषद् बैठकले गौतमलाई प्रदेश खेलकुद परिषद्को सदस्य सचिवमा नियुक्त गरिएको हो ।
बैठकले नियुक्त गरेको ३ जना सदस्यहरूमध्यबाट परिषद्को अध्यक्षका हैसियतले प्रदेश सरकारका सामाजिक विकास मन्त्री रत्न खत्रीले सदस्य सचिव नियुक्त गरेका हुन् ।
प्रदेश खेलकुद परिषद् गठन नियमावलीअनुसार सामाजिक विकास मन्त्रीको अध्यक्षतामा हुने २५ सदस्यीय परिषद्को अन्य सदस्य भने नियुक्तिको प्रक्रियामा रहेको मन्त्रालयले जनाएको छ ।
मन्त्रिपरिषद् बैठकले बाँकेका दिलबहादुर तामाङ र जनक केसीलाई सदस्य पदमा नियुक्त गरेको छ ।
प्रदेश सत्ता गठबन्धनमध्ये ७ जना एमालेबाट, ३ जना माओवादी केन्द्रबाट र १/१ जना जसपा र नागरिक उन्मुक्तिबाट नियुक्त हुने भागबन्डा भएको मन्त्रालय स्रोतले जनाएको छ ।
नवनियुक्त सदस्य सचिव र सदस्यहरूलाई शुक्रबार मन्त्री खत्रीले शपथग्रहण गराएका छन् ।
सरकारले यस अघिका जयप्रकाश भट्टराईलाई हटाएर गौतमलाई नियुक्त गरेको हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
