आजदेखि एकीकृत समाजवादीको राष्ट्रिय महाधिवेशन

होमल्याण्ड खबर

२०८१ असार १७ गते, आईतवार १०:५७ मा प्रकाशित

नेकपा (एकीकृत समाजवादी) को १०औं राष्ट्रिय महाधिवेशन आजदेखि काठमाडौंमा शुरू हुँदै छ।

भृकुटी मण्डपमा उद्घाटन हुने महाधिवेशन नेपाल प्रज्ञा-प्रतिष्ठानमा बन्द सत्र सञ्चालन हुनेछ। पाँच दिनसम्म चल्ने महाधिवेशनले २९९ सदस्यीय कार्यसमिति तथा २१ पदाधिकारी चयन गर्नेछ।

महाधिवेशनको अध्यक्ष माधवकुमार नेपालले उद्घाटन गर्ने कार्यक्रम छ। महाधिवेशनमा विभिन्न राजनीतिक दलका शीर्ष नेतालाई निमन्त्रणा गरिएको छ।

अध्यक्ष नेपालको नेतृत्वमा गठित महाधिवेशन मूल व्यवस्थापन समितिले महाधिवेशन सम्बन्धी सम्पूर्ण काम पूरा भएको जनाएको छ। महाधिवेशनमा भाग लिन देशभरबाट एक हजार ८४९ प्रतिनिधि काठमाडौं आउने क्रम जारी छ।

नेकपा (एमाले) बाट तीन वर्षअघि विभाजन भएर गठन गरिएको पार्टीले यो महाधिवेशनलाई १०औं राष्ट्रिय महाधिवेशनका रूपमा लिएको छ। २००६ सालमा कोलकातामा स्थापना भएको कम्युनिष्ट पार्टीको राजनीतिक उत्तराधिकारी मानेको एकीकृत समाजवादीले हालसम्म सम्पन्न भएका नौ वटा अधिवेशनको स्वामित्व लिएर यो राष्ट्रिय महाधिवेशनलाई १०औं मानेको हो।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो