देउवासँग शेखर-गगन पक्षले माग्यो कम्तीमा ४ मन्त्री

होमल्याण्ड खबर

२०८१ असार ३१ गते, आईतवार १४:१२ मा प्रकाशित

नेपाली कांग्रेसका नेता शेखर कोइराला र महामन्त्री गगन थापा समूहले आफ्नो समूहले कम्तीमा चार मन्त्री पाउनुपर्ने निष्कर्ष निकालेको छ । आज बसेको इतर पक्षको बैठकले परम्परागत रूपमा चल्दै आइरहेको ६०/४० को हिस्सा हुनुपर्ने निष्कर्ष निकालेको हो ।

पार्टी सभापति शेरबहादुर देउवासँग कम्तीमा चार मन्त्री माग गर्ने निर्णय भएको बैठकमा सहभागी नेता अर्जुननरसिंह केसीले बताए ।

उनले भने, ‘हामीले परम्परागत रूपमा राख्दै आएको माग राखेका छौं । छलफलमा यो समूह ऊ समूहभन्दा पनि उपयुक्त व्यक्ति चयन गर्नुपर्छ भनेका छौं । शेखरजीले ५ मन्त्रालय चाहिन्छ भन्नुभएको रहेछ । तर, हामीले कम्तीमा चार चाहिन्छ भन्ने निष्कर्ष निकालेका छौं ।’

बैठकमा शेखर-गगनसहित धनराज गुरुङ, जीवन परियार, बद्री पाण्डे, अर्जुननरसिंह केसी, दिलेन्द्र बडू, बलबहादुर केसी, डा. मिनेन्द्र रिजाल र डा. चन्द्र भण्डारी सहभागी थिए ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो