उपसभामुखको बचाउ गर्दै रास्वपा :भिसाको अग्रिम मिति आग्रह गर्दा आर्थिक लेनदेन भएको छैन

होमल्याण्ड खबर

२०८१ श्रावण ६ गते, आईतवार १०:४३ मा प्रकाशित

राष्ट्रिय स्वतन्त्र पार्टी (रास्वपा)ले उपसभामुख इन्दिरा रानामगरले अमेरिकी दूतावासलाई पत्र लेखेको भए पनि आर्थिक लेनदेन नभएको दाबी गरेको छ । रास्वपाले आज विज्ञप्ति निकालेर भिसाको लागि अग्रिम मितिको आग्रह गरिएका व्यक्ति नेपाल अध्यागमन विभागको रेकर्डमा देश बाहिर गएको नदेखिनुका साथै कुनै आर्थिक लेनदेन भएको भन्ने तथ्य र प्रमाण उपलब्ध नभएको बताएको हो ।

विज्ञप्तिमा संघीय संसद् सचिवालय लगायत अन्य उच्च पदासीन व्यक्तिलाई पहिले नै जानकारी रहेको भनिएको विषयलाई अहिले अनर्गल प्रचार गरिनुमा कुनै क्षणिक पदीय लेनदेनको हिसाब मिलाउने प्रयास भइराखेको रूपमा रास्वपाले बुझेको जिकिर छ । रास्वपाले रानामगरको निष्कलङ्क र उज्यालो छविकै कारण पहिले सांसद र पछि उपसभामुखको उम्मेदवारका रूपमा प्रस्तुत गरेको तर्क पनि गरेको छ ।

सम्बन्धित खबर

कांग्रेस संसदीय दलका नेता आङ्देम्बे र पूर्णबहादुर खड्काबीच भेटवार्ता

सशस्त्र प्रहरीको आईजीपीमा नारायणदत्त पौडेल नियुक्त गर्ने सरकारको निर्णय

कांग्रेस संसदीय दलको नेतामा भीष्मराज आङ्देम्बे

मनोहरा सुकुमवासी बस्तीमा घरटहरा भत्काउन सुरु

सुकुम्बासीमाथि अत्यधिक बल प्रयोग नगर्न मानव अधिकार आयोगको निर्देशन

एमाले संसदीय दलको प्रमुख सचेतकको जिम्मेवारी ऐन महरलाई