९ मंसिर २०८१, आईतवार
२०७५ मंसिर १६ गते, आईतवार १६:०५ मा प्रकाशित
फ्रेन्ड्स क्लबले पल्सर सहिद स्मारक ‘ए’ डिभिजन लिग फुटबलमा पहिलो जित निकालेको छ ।
आइतबार एन्फा कम्प्लेक्समा सातदोबाटोमा भएको खेलमा मछिन्द्र क्लबलाई ३-० गोल अन्तरले हराउँदै फ्रेन्ड्सले पहिलो जित निकालेको हो ।
फ्रेन्ड्सलाई जित दिलाउन फोफाना ब्राहिमान, संजोक महर्जन र अनिल महर्जनले एक एक गोल गरे । पहिलो हाफ गोलरहित बराबरीमा सकिएको खेलको ६७ औं मिनेटमा ब्राहिमानले गोल गर्दै फ्रेन्ड्सलाई सुरुवाती अग्रता दिलाएका थिए ।
खेलको ८४ औं मिनेटमा संजोकले गोल गर्दै फ्रेन्ड्सको अग्रता २-० को बनाए । खेलको इन्जुरी समयमा अनिलले गोल गर्दै फ्रेन्ड्सलाई ३-० को जित दिलाए ।
जितसंगै फ्रेन्ड्सले ४ अंक जोडेको छ । र, फ्रेन्ड्स लिगको नवौं स्थानमा उक्लिएको छ । चार खेलपछि फ्रेन्ड्सले पहिलो जित निकालेको हो । यसअघि फ्रेन्ड्सले चार खेलमा तीन हार र एक बराबरी खेलेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
