२०८३ को मङ्सिरअघि कांग्रेस महाधिवेशन हुन्छ : कृष्णप्रसाद सिटौला

होमल्याण्ड खबर

२०८२ श्रावण १२ गते, आईतवार १५:०७ मा प्रकाशित

नेपाली कांग्रेसका नेता एवं राष्ट्रिय सभा सदस्य कृष्णप्रसाद सिटौलाले पार्टीको महाधिवेशन २०८३ को मङ्सिरसम्म भइसक्ने बताएका छन् । आइतबार काठमाडौंमा पत्रकार सम्मेलन गर्दै सिटौलाले ४ वर्षे कार्यकाल आगामी मङ्सिरमा सकिने र एक वर्ष थप्न सकिने प्रावधानअनुसार अघि बढ्ने देखिएको बताए ।

सिटौलाले कांग्रेस महाधिवेशन चार वर्षमा कहिल्यै नभएको भन्दै २०८३ को दसैँको सेरोफेरोमा हुने बताए । उनले भने, ‘कांग्रेसको महाधिवेशन आजसम्म चार वर्षमा कहिल्यै भएको छैन । चार वर्षको कार्यकाल हो, एक वर्ष म्याद थप्न पाइन्छ ।’

साथै उनले कांग्रेसमा अहिलेसम्म क्रियाशील सदस्य नवीकरण नटुंगिएको जानकारी दिए । क्रियाशील सदस्य नवीकरण असोज मसान्तमा टुंग्याउने भएपछि मङ्सिरमा महाधिवेशन सम्भव नरहेको बताए । सिटौलाले महाधिवेशन २०८३ को मंसिरभन्दा पछाडि भने लैजान नहुने बताए ।

सम्बन्धित खबर

जाँचबुझ आयोगले सरकारलाई प्रतिवेदन बुझायो

विजयी र्‍याली नमनाउन रास्वपाको अपिल

अब नयाँ र पुराना दलका संरक्षक म नै हो : नेकपाका संयोजक दाहाल

काठमाडौं निर्वाचन क्षेत्र नम्बर ६ रास्वपाका उम्मेदवार शिशिर खनाल विजयी

काठमाडौं ४ मा मतदान गरेर सर्लाही पुगे गगन थापा

बालेनको सचिवालयले भन्यो- सुरक्षाको इस्यू देखाएपछि हेलिकोप्टर काठमाडौं फर्काइएको हो