२३ फाल्गुन २०८२, शनिबार
२०८२ मंसिर ३० गते, सोमबार १५:५४ मा प्रकाशित
नेकपा एमालेको जारी ११ औँ महाधिवेशनका क्रममा आज उम्मेदवारी दर्ता चलिरहेको छ । निवर्तमान अध्यक्ष केपी शर्मा ओलीले तेस्रो कार्यकालका लागि उम्मेदवारी दर्ता गराएका छन् । बन्दसत्रस्थल भृकुटीमण्डपमा उनले निर्वाचन आयोगसमक्ष उम्मेदवारी दर्ता गराएका हुन् ।
ओलीलाई चुनौती दिन यसअघि नै ईश्वर पोखरेलले पनि उम्मेदवारी दर्ता गराइसकेका छन् । ओली पूरै प्यानलका साथ चुनावी मैदानमा उत्रिएका छन् । पोखरेलले पनि पदाधिकारीमा प्यानल बनाएका छन् ।
ओली समूहको प्यानल बनेसँगै केही असन्तुष्टि पनि देखिएको छ । ओलीनिकटका केही नेताहरूले समूह छोडेका छन् भने केहीले स्वतन्त्र उम्मेदवारी दिएका छन्। कृष्णगोपाल श्रेष्ठ पोखरेल समूहबाट सचिवको उम्मेदवार बनेका छन् भने रघुजी पन्त पनि पोखरेल समूहबाट उपाध्यक्षको उम्मेदवार बनेका छन् । अग्नि खरेल, राजेन्द्र गौतमलगायतका नेताहरू स्वतन्त्र उम्मेदवार बनेका छन् भने उपाध्यक्षको सूचीमा रहेका प्रदीप ज्ञवालीले केन्द्रीय सदस्यमा मात्र उम्मेदवारी दिने बताएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
