३० कार्तिक २०८१, शुक्रबार
२०७५ पुष १५ गते, आईतवार १७:०५ मा प्रकाशित
राष्ट्रिय सुरक्षा परिषद्को बैठक सम्पन्न भएको छ ।
आइतबार प्रधानमन्त्री केपी शर्मा ओलीको अध्यक्षतामा सिंहदरवारस्थित परिषद्को सचिवालयमा बसेको बैठक सम्पन्न भएको हो ।
बैठकमा मुलुकको समग्र शान्ति सुरक्षाको अवस्था, राष्ट्रिय सुरक्षा नीति र उक्त सचिवालयको सृदृढीकरणबारे छलफल भएको बताइएको छ ।
परिषद्को अघिल्लो बैठकले राष्ट्रिय सुरक्षा नीति २०७३ परिमार्जन गर्ने निर्णय गरेको थियो । उक्त नीति परिमार्जनका लागि उपप्रधानमन्त्री एवं रक्षामन्त्री ईश्वर पोखरेलको अध्यक्षतामा विभिन्न निकायका प्रतिनिधि र विज्ञ सम्मिलित समिति गठन गरिएको थियो ।
नेपालको समग्र राष्ट्रिय हित, सुरक्षा र प्रतिरक्षा सम्बन्धी नीति तर्जुमा गर्न तथा नेपाली सेना परिचालन वा नियन्त्रणका लागि सरकारलाई सिफारिश गर्न प्रधानमन्त्रीको अध्यक्षतामा राष्ट्रिय सुरक्षा परिषद् रहने संवैधानिक व्यवस्था छ ।
परिषद्मा सरकारका रक्षा, गृह, परराष्ट्र र अर्थमन्त्री तथा मुख्य सचिव, प्रधानसेनापति सदस्य रहने र रक्षामन्त्रालयका सचिव सदस्य–सचिव भई काम गर्ने व्यवस्था छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
