११ बैशाख २०८३, शुक्रबार
२०८२ चैत्र ११ गते, बुधबार १४:१७ मा प्रकाशित
काठमाडौंको पर्यटकीय क्षेत्र ठमेलमा सार्वजनिक स्थानमै अवैध रूपमा यौन व्यवसाय सञ्चालन गरी सर्वसाधारण तथा पर्यटकलाई दु:ख हैरानी दिएको आरोपमा प्रहरीले २० जना विदेशी महिलालाई नियन्त्रणमा लिएको छ।
प्रहरीका अनुसार पक्राउ परेका महिलाहरूले बाटो हिँड्ने स्वदेशी तथा विदेशी पर्यटक तथा सर्वसाधारण पुरुषहरूलाई अनावश्यक रूपमा बाटो छेकी अश्लील क्रियाकलाप सम्बन्धी मोलमोलाइ गरी हैरानी दिने गरेका थिए।
पक्राउ परेका सबै महिला अफ्रिकी मुलुक युगान्डाका नागरिक रहेको जनाइएको छ। उनीहरू ठमेल क्षेत्रमै बसोबास गर्दै आएको खुलेको छ।
घटनामा संलग्न २० जनालाई नियन्त्रणमा लिएर अभद्र व्यवहारसम्बन्धी कसुरमा जिल्ला प्रशासन कार्यालय काठमाडौंबाट १२ दिनको म्याद थप अनुमति लिई प्रहरी वृत्त लैनचौरबाट थप अनुसन्धान भइरहेको प्रहरीले जनाएको छ।
प्रहरीले पर्यटकीय क्षेत्रमा यस्ता गतिविधि नियन्त्रणका लागि निगरानी अझ कडा बनाइने पनि स्पष्ट पारेको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
