२५ बैशाख २०८३, शुक्रबार
काठमाडौंको माइतीघरमा सुकुम्बासीले सरकारविरुद्ध प्रदर्शन गरेको छ । उचित व्यवस्थापन र विना विकल्प देशभरका सुकुम्बासी बस्तीमा डोजर चलाएर बिचल्ली बनाएको आरोप लगाउँदै उनीहरूले हातमा थाल र चम्चा लिएर विरोध जनाएका हुन् ।
प्रदर्शन संयुक्त सुकुम्बासी मोर्चाले आयोजना गरेको हो । अहिले देशका विभिन्न जिल्लामा सुकुम्बासी बस्ती खाली गर्ने सरकारी निर्णयको विरोधमा प्रदर्शन भइरहेका छन् ।

