१२ जेष्ठ २०८३, मंगलवार
२०८३ जेष्ठ १२ गते, मंगलवार १४:२५ मा प्रकाशित
काठमाडौंको गोकर्णेश्वर नगरपालिकाको तीन वटा वडामा बर्डफ्लु संक्रमण पुष्टि भएको छ।
नगरपालिकाका अनुसार वडा नम्बर २, ३ र ४ मा ‘हाइली प्याथोजेनिक एभियन इन्फ्लुएन्जा’ अर्थात् बर्डफ्लु संक्रमण देखिएको हो।
नगरपालिकाले उक्त भाइरस मानिसमा समेत सर्न सक्ने ‘जुनोटिक’ प्रकृतिको र उच्च जोखिमयुक्त भएकाले सतर्कता अपनाउन आग्रह गरेको छ। संक्रमण फैलिन नदिन प्रभावित क्षेत्रका हाँस, कुखुरा, बट्टाई, लौकाट, अण्डा तथा दाना लगायत सामग्री सुरक्षित रूपमा नष्ट गरी विसर्जन गरिएको नगरपालिकाले जनाएको छ।
स्थानीयवासीलाई संक्रमित क्षेत्रबाट पक्षीजन्य वस्तुको ओसारपसार नगर्न र कुनै असामान्य लक्षण देखिए तत्काल सम्बन्धित निकायलाई जानकारी गराउन आग्रह गरिएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
