धनगढीमा रास्वपा नेतामाथि भएको आक्रमणप्रति ऐन महरको आपत्ति

होमल्याण्ड खबर

२०८३ असार २ गते, मंगलवार १३:३३ मा प्रकाशित

नेकपा (एमाले)का प्रमुख सचेतक ऐनबहादुर महरले धनगढीमा राष्ट्रिय स्वतन्त्र पार्टी (रास्वपा)का नेता शैलेश सिंहमाथि भएको साङ्घातिक आक्रमणको घटनाप्रति सरकारको गम्भीर ध्यानाकर्षण गराएका छन् ।

महरले आक्रमणकारीहरूले सिंहलाई घाइते बनाउनुका साथै उनीसँग रहेको ल्यापटप, मोबाइल फोन, घडी र सुनको सिक्रीसमेत लुटेको बताए ।

सिंह गत प्रतिनिधि सभा निर्वाचनमा बझाङबाट रास्वपाका उम्मेदवार बनेका नेता भएको उल्लेख गर्दै महरले जिम्मेवार राजनीतिक व्यक्तिमाथि भएको आक्रमणले मुलुकमा अराजकता र दण्डहीनता बढ्दै गएको संकेत गरेको बताए । उनले घाइते सिंहको शीघ्र स्वास्थ्य लाभको कामना पनि गरे ।

बैठकमा महरले बझाङको केदारस्युँ गाउँपालिका–६ का दीपक धामीको जापानको ओसाकामा भएको निधनको विषय पनि उठाए । अध्ययन र रोजगारीका लागि ऋण लिएर एक वर्षअघि मात्रै जापान पुगेका धामीको असामयिक निधनले परिवार शोकमा डुबेको उनले बताए ।

‘परिवारको आर्थिक अवस्था अत्यन्त कमजोर छ । मृतक धामीको पार्थिव शरीर नेपाल ल्याउन आवश्यक समन्वय र सहयोग गरिदिन नेपाल सरकार तथा परराष्ट्र मन्त्रालयसँग अनुरोध गर्दछु,’ महरले भने ।

उनले धामीको पार्थिव शरीर स्वदेश ल्याउन आवश्यक पहल गर्न सरकारसँग आग्रह गरे ।

सम्बन्धित खबर

गाउँकै एक नेतासँग भेटिएकी वडा सदस्य मनिषा मृत फेला

दक्षिण कोरियामा रहेका नेपाली श्रमिकको स्वास्थ्य पहुँच सुनिश्चित गर्न आग्रह

स्वास्थ्य सेवा विभागकी पूर्वमहानिर्देशक संगीता मिश्राले अदालतबाट सफाइ पाइन

हर्कले उठाए विटौरीदेखि रौतहट र माइतीघरसम्मका मुद्दा

परराष्ट्रमन्त्री खनाल र सिपिपिसिसीका अध्यक्ष वाङबीच भेटवार्ता

साइबर ब्युरो पुगिन राप्रपाकी प्रमुख सचेतकओलीले