रास्वपा पदाधिकारीको मतदान आजै मध्यराति हुने, यस्तो छ संशोधित कार्यतालिका

होमल्याण्ड खबर

२०८३ असार ११ गते, बिहीबार १७:३० मा प्रकाशित

राष्ट्रिय स्वतन्त्र पार्टी (रास्वपा) केन्द्रीय निर्वाचन आयोगले राष्ट्रिय महाधिवेशनको परिमार्जित निर्वाचन कार्यतालिका २०८३ सार्वजनिक गरेको छ ।

आयोगले राष्ट्रिय महाधिवेशन निर्वाचन कार्यविधि, २०८३ को दफा ९ बमोजिम नयाँ कार्यतालिका पुन: प्रकाशन गरेको छ ।

दावी–विरोधमाथि जाँचबुझ गरी उम्मेदवारी फिर्ता लिने अन्तिम समय साँझ ८:३० बजेसम्म रहने र त्यसको १५ मिनेटपछि अर्थात् साँझ ८:४५ बजे उम्मेदवारहरूको अन्तिम नामावली प्रकाशन गरिने निर्वाचन आयोगले जनाएको छ । अन्तिम नामावली प्रकाशनसँगै साँझ ८:४५ देखि ९:१५ बजेसम्म आधा घण्टाको मौन अवधि रहनेछ ।

मौन अवधि सकिएलगत्तै असार ११ गते बिहीबार राति ९:१५ बजेदेखि १२:१५ बजेसम्म पार्टी पदाधिकारी चयनका लागि मतदान हुनेछ । मतदान सम्पन्न भएपछि असार १२ गते राति १२:१५ बजेदेखि १:१५ बजेसम्म मतगणना गरिनेछ र सोही राति १:३० बजे पदाधिकारीको अन्तिम मतपरिणाम घोषणा गर्दै निर्वाचनका सम्पूर्ण प्रक्रिया सम्पन्न हुने कार्यतालिकामा उल्लेख गरिएको छ ।

सम्बन्धित खबर

सुनको मूल्यमा प्रतितोला १० हजार बढीको गिरावट

रास्वपाले प्रदेशसभा खारेज गर्ने प्रस्ताव गरेको हो भने त्यो ठुलो भूल हुनेछ : डा भट्टराई

रास्वपा महाधिवेशनः असी विद्युतीय उपकरणबाट मतदान

३ हजार ६०० रुपैयाँले घट्यो सुनको मूल्य

सरकारले कानूनको सीमाभित्र रहेर अनुसन्धान गर्न पाउँछ : गगन थापा

रास्वपा महाधिवेशनको बन्दसत्र शुरू