३० कार्तिक २०८१, शुक्रबार
२०७५ पुष २५ गते, बुधबार १२:४४ मा प्रकाशित
प्रधानमन्त्री केपी शर्मा ओलीसँग प्रश्न सोध्न नपाएकाले आइतबार नेपाली कांग्रेसका सांसदहरूको अवरोधले स्थगित प्रतिनिधिसभा बैठक आज पुनः बस्दैछ ।
स्थगित बैठक आज दिउँसो १ बजेका लागि बोलाइएको छ ।
कांग्रेसले आजको बैठकमा पनि प्रधानमन्त्रीसँग प्रश्न गर्न नपाए अवरोध गर्ने जनाएको छ ।
कार्यव्यवस्था परामर्श समितिको बैठकले प्रधानमन्त्रीसँग प्रश्न सोध्ने र उनले जवाफ दिने कार्यसूची तय गरेन भने बैठक अवरुद्ध गर्ने कांग्रेसका एक नेताले जानकारी दिएका छन् ।
सभामुखले संसद नियमावलीको नियम २१९ अनुसार सार्वजनिक महत्वको विषयमा मन्त्री वा प्रधानमन्त्रीले संसदमा दिएको वक्तव्यमाथि प्रश्न सोध्न पाउने अधिकार सुनिश्चित गर्नुपर्ने उनले जनाएका छन् ।
गत आइतबार प्रधानमन्त्रीले दिएको वक्तव्यमा प्रश्न सोध्न खोज्दा सभामुख कृष्णबहादुर महराले अनुमति नदिएपछि कांग्रेसले सदन अवरुद्ध गरेको थियो ।
आजको बैठकमा संसद् सचिवालयले केही विधेयक पेश गर्नेगरी बैठकको कार्यसूची सार्वजनिक गरेको छ । संसद बैठकअघि १२ बजे कार्यव्यवस्था परामर्श समितिको बैठक बस्दैछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
