गोरखाको चुमनुब्रीमा ठूलो पहिरो

होमल्याण्ड खबर

२०८३ भाद्र १५ गते, सोमबार ११:४६ मा प्रकाशित

गोरखाको चुमनुब्री गाउँपालिका–७ स्थित चौरीखर्कभन्दा पारिपट्टिको भीरमा सोमबार बिहान ठूलो पहिरो गएको छ। बिहान करिब साढे १० बजेतिर गएको पहिरोले बुढीगण्डकीको सहायक नदी स्यारखोला केहीबेर थुनिएको थियो।

चुमनुब्री गाउँपालिकाका अध्यक्ष निमा लामाका अनुसार चौरीखर्कभन्दा पारिपट्टि भीरबाट ठूलो पहिरो खसेपछि स्यारखोला थुनिएको हो। ‘सोमबार बिहान उक्त स्थानमा पहिरो खस्दा बुढीगण्डकीको सहायक नदी स्यारखोला केहीबेर थुनिएको थियो,’ अध्यक्ष लामाले भने,’अहिले थुनिएको खोला खुलिसकेको छ।’

जोखिम बढ्ने सम्भावना देखिएपछि पहिरो खसेको स्थानभन्दा तलतिर रहेका जगत,घट्टेखोला,सल्लेरीलगायत बस्तीका बासिन्दालाई सतर्क रहन र सुरक्षित स्थानमा बस्न आग्रह गरिएको अध्यक्ष लामाले बताए।

सम्बन्धित खबर

एसीसी पुरुष प्रिमियर कपमा नेपालको विजयी सुरुवात

हेलिकप्टरमार्फत रसुवा पठाइयो अत्यावश्यक औषधि

भोटेकोशी बाढी : ९०३ जनाको शव फेला, ४ हजार २४७ अझै सम्पर्कविहीन

घट्यो सुनको मूल्य, आज कतिमा हुँदैछ कारोबार ?

पृथ्वी, अरनिको र मेची राजमार्ग अवरुद्ध

सप्तकोशीमा पानीको बहाव बढ्यो : २२ ढोका खोलिए