२१ भाद्र २०८३, आईतवार
२०८३ भाद्र २१ गते, आईतवार १५:५८ मा प्रकाशित
प्रधानमन्त्री वालेन्द्र शाह (बालेन) ले संयुक्त राष्ट्रसंघको ८१औँ महासभामा आगामी असोज ८ गते (२४ सेप्टेम्बर) सम्बोधन गर्ने कार्यक्रम तय भएको छ। नेपालको औपचारिक प्रस्तावपछि राष्ट्रसंघले वक्ताहरूको सूची संशोधन गर्दै असोज ८ गतेका लागि प्रधानमन्त्री शाहको सम्बोधन समय दिएको हो।
किन जाँदैछन् बालेन?
सुरुमा महासभामा नेपाली प्रतिनिधिमण्डलको नेतृत्व परराष्ट्रमन्त्री शिशिर खनालले गर्ने तय भएको थियो। तर भदौ १० मा रसुवाको भोटेकोसीमा आएको महाविपत्तिका कारण प्रधानमन्त्री शाह आफैँ महासभा जान लागेका हुन्।
मुख्य एजेन्डा: विश्व तापमान वृद्धिका कारण नेपालले भोग्नुपरेको भोटेकोसीजस्ता विपद्को क्षतिपूर्ति र जलवायु न्याय (Climate Justice) को मुद्दा राष्ट्रसंघको मञ्चबाट विश्वसामु उठाउने।
सम्बोधन तालिका: २४ सेप्टेम्बरको दिउँसो ३ देखि ९ बजेसम्मको सत्रमा १७औँ नम्बरमा नेपालका सरकार प्रमुख (प्रधानमन्त्री बालेन) ले सम्बोधन गर्नेछन्।
छोटो भ्रमण र टोली
देश उद्धार र राहत व्यवस्थापनको चरणमा रहेकाले प्रधानमन्त्री शाहको अमेरिका भ्रमण सकेसम्म छोटो बनाइनेछ।
द्विपक्षीय भेटघाट: प्रधानमन्त्री सम्बोधन गरेलगत्तै फर्किने तयारीमा रहेकाले धेरैजसो दुईपक्षीय ‘साइडलाइन’ भेटवार्ताहरूको नेतृत्व परराष्ट्रमन्त्री खनालले गर्नेछन्।
भ्रमण टोली: टोलीमा परराष्ट्रमन्त्री शिशिर खनाल, प्रधानमन्त्रीका प्रमुख सल्लाहकार कुमार बेन, स्वकीय सचिव सुवास शर्मा, निजी सचिव प्रदीप परियार, फोटोग्राफर विनय शाक्यका साथै परराष्ट्र सचिव अमृतबहादुर राईलगायतका अधिकारीहरू रहनेछन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
