पृथ्वी जयन्तीको आयोजित कार्यक्रममा राष्ट्रपतिदेखि मन्त्रीसम्मको सहभागी

होमल्याण्ड खबर

२०७५ पुष २७ गते, शुक्रबार १३:५० मा प्रकाशित

राष्ट्रपति विद्यादेवी भण्डारी राष्ट्रिय एकता दिवस तथा पृथ्वी जयन्तीका अवसरमा आयोजित कार्यक्रममा सहभागी भएकी छन् । सिंहदरबार मूलगेट अगाडि रहेको पृथ्वीनारायण शाहको सालिक नजिक आयोजित कार्यक्रममा राष्ट्रपति सहभागी भएकी हुन् । सो अवसरमा उनले पृथ्वीनारायण शाहको सालिकमा पुष्पगुच्छा अर्पण गरेकी थिइन् ।

हरेक वर्ष पुस २७ गतेलाई राष्ट्रिय एकता दिवस तथा पृथ्वी जयन्तीको रुपमा मनाइँदै आएको छ । सरकारले यस दिन दिँदै आएको सार्वजनिक बिदा कटौती गरेको छ । शाहको जन्मदिन पुस २७ गतेलाई राष्ट्रिय एकता दिवसका रुपमा सरकारी तहबाटै मनाइन्थ्यो । राष्ट्रपति सहभागी भएको आजको कार्यक्रम भने सरकारले नै आयोजना गरेको हो । आज बिहान आयोजित प्रभातफेरीमा उपप्रधानन्त्री तथा रक्षामन्त्री ईश्वर पोखरेल तथा सञ्चारमन्त्री गोकुल बास्कोटा सहभागी भएका थिए ।

प्रज्ञा भवनबाट अघि बढेको प्रभातफेरी सिंहदरवारको मूल गेट अगाडि रहेको पृथ्वीनारायण शाहको शालिक अगाडि पुगेर समापन भएको थियो ।
राष्ट्रपति विद्यादेवी भण्डारी र प्रधानमन्त्री केपी शर्मा ओलीले अलग अलग सन्देशमार्फत् पृथ्वी नारायण शाह नेपाल एकीकरणका नायक भन्दै उनको योगदान नेपाली जनताले कहिल्यै नबिर्सने बताएका छन् ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो