राप्रपाका सांसद राजेन्द्र लिङ्देनले दिए प्रधानमन्त्री विरुद्ध अनसन बस्ने चेतावनी

होमल्याण्ड खबर

२०७५ माघ २५ गते, शुक्रबार १४:०६ मा प्रकाशित

राष्ट्रिय प्रजातन्त्र पार्टीका सांसद राजेन्द्र लिङ्देनने प्रधानमन्त्री केपी शर्मा ओली विरुद्ध अनसन बस्ने चेतावनी दिएका छन् । उनले प्रधानमन्त्री केपी ओलीले आफ्नो निर्वाचन क्षेत्रमा नमागेको बजेट समेत दिएको र आफ्नो क्षेत्रमा केही पनि खर्च नगरेको भन्दै अनसन बस्ने चेतावनी दिएका हुन् ।

प्रतिनिधिसभाको शुक्रबारको बैठकको विशेष समयमा बोल्दै सांसद लिङ्देनले कार्यकर्ताको सिफारिसको आधारमा योजना छनोट गरेको र १० लाख मागेको ठाउँमा मन्त्रालयले १ करोड १० लाख पठाएको भन्दै उनले विरोध व्यक्त गरे ।

झापाको निर्वाचन क्षेत्र नं ३ बाट निर्वाचित लिङ्देनले आफू राप्रपाको एक्लो सांसद भएरै आफ्नो क्षेत्रलाई उपेक्षा गरिएको भन्दै गुनासो पनि गरे । उनले आफू एक्लो प्रतिनिधि भएका कारण आफ्नो क्षेत्रका जनतालाई उपेक्षा गर्ने, दुःख दिने काम नगर्न सरकारलाई चेतावनी समेत दिए । साथै उनले आफ्नो क्षेत्रमा रहेको कचनकवल गाउँपालिकाका बहुवर्षीय आयोजनाहरु पनि वर्तमान सरकारले बन्द गराएको बताए ।

उनले बहुवर्षीय ठेक्काहरु समेत बन्द गरेको आरोप समेत लगाएका छन् । गाउँपालिकाले माग गरेको भन्दा १ करोड बढी रकम मन्त्रालयले पठाएको भन्दै उनले आपत्ति जनाएका हुन् ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो